គ.ជ.ប បានជូនដំណឹងដល់គណបក្សនយោបាយ អ្នកសង្កេតការណ៍ជាតិ-អន្តរជាតិ និងប្រព័ន្ធផ្សព្វផ្សាយព័ត៌មានជាតិ-អន្តរជាតិថា ការត្រួតពិនិត្យនេះ បន្ទាប់ពី គ.ជ.ប ទទួលបានស្បោង "ឃ" និងកញ្ចប់ "ឃ ពិសេស" ព្រមទាំងសម្ភារៈ ឯកសារបោះឆ្នោតពាក់ព័ន្ធដទៃទៀតពីគណៈកម្មការរាជធានី-ខេត្តរៀបចំការបោះឆ្នោត (គធ.ខប) ទាំង ២៥។ តាមរយៈសេចក្ដីជូនដំណឹងនេះ គ.ជ.ប បានអញ្ជើញភាគីពាក់ព័ន្ធទាំងនេះ ចូលរួមសង្កេតមើលនិងយកព័ត៌មាន។

 

សូមរំលឹកថា ការបោះឆ្នោតជ្រើសរើសតំណាងរាស្ត្រ នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣ មានគណបក្សនយោបាយ១៨ ចូលរួមប្រកួត។ លទ្ធផលបណ្តោះអាសន្ន បានបង្ហាញថា គណបក្សប្រជាជនកម្ពុជា ទទួលបានសំឡេងឆ្នោតច្រើនជាងគេ ហើយបន្ទាប់មកគឺ គណបក្សហ៊្វុនស៊ិនប៉ិច។ នៅដើមខែសីហា ឆ្នាំ២០២៣ គ.ជ.ប នឹងប្រកាសលទ្ធផលផ្លូវការ និងចំនួនអាសនៈដែលគណបក្សត្រូវទទួលបាន៕