ស្ថានភាពខាងលើនេះ ក្រុមការងាររបស់នាយកដ្ឋានអភិរក្សប្រាសាទ និងបុរាណវិទ្យា នៃអាជ្ញាធរជាតិអប្សរា បានចាប់ផ្ដើមគម្រោងស្ដារស្រះនេះឡើងវិញ រួមនឹងការរើបំណែកថ្មចេញពីស្រះផងដែរ។ បើតាមលោក ឈូក សុម៉ាឡា អ្នកបច្ចេកទេស នៃនាយកដ្ឋានអភិរក្សប្រាសាទ និងបុរាណវិទ្យា ជំហានដំបូងនៃគម្រោងស្ដារនេះ ក្រុមការងារកំពុងចាប់ផ្ដើមរើថ្ម និងចុះលេខ នៃបំណែកថ្មនីមួយៗ នៅស្ថិតក្នុងស្រះទាំង២នេះ។ 
  

ជុំវិញការស្ដារស្រះនេះទៀតសោត លោក សុម៉ាឡា បញ្ជាក់ថា ធ្វើឡើងដោយរក្សាអត្តសញ្ញាណដើម ឬទម្រង់ដើមដែលស្រះនេះត្រូវបានធ្វើឡើង និងទម្រង់ស្ថាបត្យកម្មដើមនៃប្រាសាទបាយ័ន។ ពាក់ព័ន្ធនឹងគម្រោងការស្ដារស្រះទាំង២នេះ អ្នកបច្ចេកទេសរូបនេះ មិនទាន់អាចបញ្ជាក់បាននៅឡើយនោះទេ ពីរយៈពេលនៃការបញ្ចប់៕