ជាតិ
×![]()
ដោយ៖ នាយយ៉ាន
សៀមរាប៖ អ្នកស្រី ហោ ស៊ុនស្រស់ មិនបានបង្កើតអង្គការក្រៅរដ្ឋាភិបាលទេ។ អ្នកស្រី ស៊ុនស្រស់ បានបង្កើតក្រុមហ៊ុនមួយ ដែលជួយបណ្ដុះបណ្ដាលកុមារ និងពលរដ្ឋ ក្នុងសហគមន៍។ ក្រុមហ៊ុនរបស់អ្នកស្រី ក៏បានផ្ដល់ការងារ និងរកទីផ្សារលក់ជូនពលរដ្ឋក្នុងសហគមន៍ផងដែរ។
ពលរដ្ឋ នៅក្នុងសហគមន៍របស់អ្នកស្រី ក្នុងខេត្តសៀមរាប ចេះធ្វើវត្ថុផ្សេងៗអំពីកំប្លោក។ ឆ្នាំ២០១៧ អ្នកស្រីស្រស់ បានរៀន និងយកផលិតផលបងប្អូនរបស់គាត់ទៅលក់នៅផ្សារ ក្នុងក្រុងសៀមរាប។ ឆ្នាំ២០១៩ អ្នកស្រី បានបង្កើតក្រុមហ៊ុនមួយតែម្ដង ដែលមានឈ្មោះថា «រុក្ខៈ» ពីព្រោះសហគ្រាសនេះផលិតតែវត្ថុធ្វើពីរក្ខជាតិប៉ុណ្ណោះ។
រុក្ខៈ មិនមែនគ្រាន់តែលក់កន្ត្រក កាបូប ឬកម្រាលធ្វើពីកំប្លោកទេ។ ក្រុមហ៊ុននេះក៏ផលិតរបស់ៗខ្លួនឯងដែរ។ បុគ្គលិកទាំងអស់ជាមនុស្សស្រី។ រុក្ខៈ បានបណ្ដុះបណ្ដាលពួកគាត់ និងអ្នកដទៃជាច្រើនរូប តាមសហគមន៍ ក្នុងគោលបំណងបន្តចំណេះដ៏យូរអង្វែងនេះ។ ក្រៅពីបង្រៀនប្រើវត្ថុធាតុធម្មជាតិជាពិសេសកំប្លោក សហគ្រាសនេះក៏ជួយបង្រៀនកូនក្មេងតាមភូមិ ក្រៅសាលាផដែរ។ លើសពីនេះទៅទៀត ក៏មានការបណ្ដុះបណ្ដាលអ្នកម្ដាយរបស់ពួកគាត់ទៀតផង ដើម្បីគាត់មានជំនាញ ចំណូល ហើយជាមេគ្រួសារឯករាជ។
ថ្មីៗនេះ រុក្ខៈ ក៏មានវគ្គបណ្ដុះបណ្ដាល សំរាប់ភ្ញៀវទេសចរ ដែលឱ្យពួកគាត់ផ្ដល់តម្លៃខ្ពស់ទៅលើការងារធ្វើផ្ទាល់ដៃ និងប្រើតែវត្ថុធាតុដើមធម្មជាតិ។
ហាងរបស់ រុក្ខៈ មានទីតាំងស្ថិតនៅវិថីសាលាកំរើក ខ័ណ្ឌសាលាកំរើក ក្រុងសៀមរាប។ មានគណនីបណ្ដាញសង្គម facebook ហើយគេហទំព័រ http://www.rokhak.com ដែរ៕
© រក្សាសិទ្ធិដោយ thmeythmey.com
