ជាតិ
អត្ថបទពាណិជ្ជកម្ម
បុគ្គលិក អេ អឹម ខេ ស្ម័គ្រចិត្តចូលរួមបរិច្ចាគឈាមដល់មជ្ឈមណ្ឌលជាតិផ្ដល់ឈាម
× នៅថ្ងៃទី ០៤ ខែសីហា ឆ្នាំ ២០២៣ ថ្នាក់ដឹកនាំ ក៏ដូចជាបុគ្គលិករបស់គ្រឹះស្ថានមីក្រូហិរញ្ញវត្ថុអេ អឹម ខេ ប្រមាណជិត ៣០នាក់បានចុះឈ្មោះដោយស្ម័គ្រចិត្តចូលរួមបរិច្ចាគឈាម ដើម្បីគាំទ្រដល់ប្រតិបត្តិការរបស់មជ្ឈមណ្ឌលជាតិផ្ដល់ឈាម។ ការបរិច្ចាគឈាមនេះផងដែរគឺជាទង្វើ ដែលបង្ហាញពីទំហំនៃក្ដីស្រលាញ់ចំពោះសហគមន៍ ក៏ដូចជាជួយសង្គមជាតិរបស់យើងផងដែរ។
ការបរិច្ចាគឈាមពិតជាមានសារៈសំខាន់ណាស់ចំពោះសង្គមជាតិរបស់យើង ឈាមរបស់អ្នកអាចជួយដល់ជីវិតមនុស្សជាច្រើន ដែលពួកគាត់ត្រូវការខ្លាំងបំផុតដូចជា ជនរងគ្រោះដែលជួបគ្រោះថ្នាក់ចរាចរណ៍ ម្ដាយសម្រាលកូនមិនធម្មតា ជំងឺមហារីក ការវះកាត់ធ្ងន់ធ្ងរ និងអ្នកជំងឺផ្សេងៗទៀត។
យោងតាមមជ្ឈមណ្ឌលជាតិផ្ដល់ឈាមនៃក្រសួងសុខាភិបាលបានពន្យល់ថា “ជាមធ្យមឈាមនៅក្នុងខ្លួនមនុស្សយើងមានពី ៣លីត្រ ទៅ ៥លីត្រ ទៅតាមទម្ងន់របស់ខ្លួនមនុស្សយើង។ ការបរិច្ចាគឈាមម្ដងមានកម្រិត ៣៥០មីលីលីត្រ ដូច្នេះការបរិច្ចាគឈាមមានការបាត់បង់ឈាមតែប្រហែល ៧ភាគរយតែប៉ុណ្ណោះនៃចំណុះឈាម ដែលមានក្នុងខ្លួនមនុស្សយើង ហើយការបាត់បង់ឈាមដែលបណ្ដាលឲ្យមានគ្រោះថ្នាក់នោះ ទាល់តែរហូតដល់ ២៥ ភាគរយ ទៅ ៣៥ ភាគរយ ឯណោះ។ ដូច្នេះជារៀងរាល់ ៣ខែម្ដងចំពោះបុរស និង ៤ខែម្ដង ចំពោះស្ត្រី គឺគាត់អាចបរិច្ចាគឈាមយ៉ាងទៀងទាត់”។
គួរបញ្ជាក់ផងដែរថា ការបរិច្ចាគឈាមមិនត្រឹមតែជួយដល់សង្គមជាតិយើងទេ លើសពីនេះទៅទៀតការបរិច្ចាគឈាមទៀងទាត់ អាចជួយកាត់បន្ថយនូវជំងឺជាច្រើនដូចជា ជំងឺបេះដូង បន្ថយការឡើងទម្ងន់ ជំងឺដាច់សរសៃឈាមក្នុងខួរក្បាល កាត់បន្ថយជំងឺមហារីកផ្សេងៗ និងអត្ថប្រយោជន៍សុខភាពជាច្រើនទៀតផង។ ដូចច្នេះហើយយើងនាំគ្នាចូលរួមបរិច្ចាគឈាម ដើម្បីសង្គ្រោះសង្គមជាតិយើង និងដើម្បីសង្គ្រោះជីវិតរបស់ប្រជាពលរដ្ឋរបស់យើង។
អំពីគ្រឹះស្ថានមីក្រូហិរញ្ញវត្ថុ អេ អឹម ខេ
គ្រឹះស្ថានមីក្រូហិរញ្ញវត្ថុ អេ អឹម ខេ គឺជាគ្រឹះស្ថានមីក្រូហិរញ្ញវត្ថុឈានមុខគេក្នុងប្រទេសកម្ពុជា ដែលផ្តល់សេវាហិរញ្ញវត្ថុប្រកបដោយទំនួលខុសត្រូវ និងសម្បូរបែប ដល់អតិថិជនគ្រប់រូប និងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន។ អេ អឹម ខេ បានបង្កើតឡើងជាង ២០ឆ្នាំមកហើយ ដោយមានប្រតិបត្តិការនៅគ្រប់ខេត្ត និងស្រុកក្នុងប្រទេសកម្ពុជា ក្នុងនោះមានសាខាជាង ១៥១កន្លែង និងភ្នាក់ងារប្រមាណ ៦,០០០ កន្លែង។ អេ អឹម ខេ ផ្តល់សេវាហិរញ្ញវត្ថុជាច្រើនប្រភេទ រួមមានកម្ចី ប្រាក់បញ្ញើ និងសេវាប្រតិបត្តិការ/ការទូទាត់ប្រចាំថ្ងៃ។ អេ អឹម ខេ ប្រកាន់ខ្ជាប់នូវការអនុវត្តការផ្តល់ប្រាក់កម្ចីប្រកបដោយទំនួលខុសត្រូវ និងការការពារអតិថិជន ដោយបានបម្រើការជូនដល់អតិថិជនរាប់លាននាក់។ បេសកកម្មរបស់ អេ អឹម ខេ គឺផ្ដល់សេវាហិរញ្ញវត្ថុប្រកបដោយទំនួលខុសត្រូវ និងសម្បូរបែប ដល់អតិថិជនគ្រប់រូប ជាពិសេស ស្រ្តី និងគ្រួសារដែលមានចំណូលទាប ដើម្បីជួយសម្រេចបំណងប្រាថ្នាផ្នែកហិរញ្ញវត្ថុ និងជីវភាព ដែលពួកគាត់ចង់បាន៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com