ឆ្លងកាត់ការប្រកួតក្នុងពានរង្វាន់ League Cup ដែលជាការប្រជែងរវាងក្រុមមកពីក្របខណ្ឌ Major league Soccer ទល់នឹងក្រុមមកពី Liga MX កាលពីពេលថ្មីៗនេះក្រុម Inter Miami បានយកឈ្នះលើក្រុម FC Dallas ដោយការស៊ុតបាល់កាត់សេចក្តី ១១ម៉ែត្រលទ្ធផល ៥-៣ ក្រោយប្រកួតស្មើ ៤-៤។
 

មុនពេលជួបក្រុម Dallas ហើយរកបានគ្រាប់បាល់ទី៧ នៅក្រុម Inter Miami ខ្សែប្រយុទ្ធវ័យ ៣៦ឆ្នាំ ក៏រកបានគ្រាប់បាល់ទី៥ របស់ខ្លួននៅការប្រកួតយកឈ្នះលើក្រុម Orlando City លទ្ធផល ៣-១ ដោយគេរកបាន ២គ្រាប់ពីការប្រកួតនេះ។ Messi រកបានគ្រាប់បាល់ដំបូងពេលបង្ហាញខ្លួនដំបូងទល់ក្រុម Cruz Azul និង ២គ្រាប់នៅការប្រកួតទីពីរទល់ក្រុម Atlanta United សម្រាប់ក្រុម Inter Miami។
 

ការប្រកួតបន្ទាប់របស់ក្រុម Inter Miami នឹងត្រូវជួបក្រុម Charlotte FC នៅថ្ងៃទី១១ ខែសីហា ហើយក្រុមណាដែលឈ្នះការប្រកួតនៅវគ្គ ៨ក្រុមចុងក្រោយនេះ ពួកគេនឹងត្រូវបន្តដំណើរទៅកាន់វគ្គពាក់កណ្តាលផ្តាច់ព្រ័ត្រ ថ្ងៃទី១៩ ខែសីហា។
 

តាមកាលវិភាគរបស់ MLS ក្រុម Inter Miami នឹងត្រូវចាប់ផ្តើមការប្រកួតរបស់ខ្លួននៅថ្ងៃទី២០ ខែសីហា ប៉ុន្តែកាលវិភាគរបស់ Miami ត្រូវបានពន្យាពេល ហើយនឹងត្រូវប្រកាសពេលវេលាជាក់លាក់នៅពេលក្រោយ។
 

«សម្រាប់ពេលនេះ​ ការបង្ហាញខ្លួនលើកដំបូងរបស់ Messi នៅក្នុងក្របខណ្ឌ MLS អាចនឹងត្រូវធ្វើឡើងនៅថ្ងៃទី២៦ ខែសីហា ពេលដែល Inter Miami ត្រូវជួបក្រុម New York Red Bulls។»។ នេះបើតាមការប្រកាសរបស់ MLS៕