តាមសេចក្តីរាយការណ៍របស់ក្រសួងការពារជាតិតៃវ៉ាន់ យន្តហោះយោធាចិនចំនួន ៧គ្រឿង រួមទាំងនាវាចិនចំនួន ៦គ្រឿង បានបង្ហាញវត្តមាននៅជុំវិញកោះតៃវ៉ាន់ នៅម៉ោង ៦ព្រឹកថ្ងៃទី១២ ខែសីហា។ ជាការឆ្លើយតប តៃវ៉ាន់ បានពង្រាយប្រព័ន្ធមីស៊ីល នាវា រួមទាំងបញ្ជូនយន្តហោះទៅត្រួតពិនិត្យ។ 

 

វត្តមាននាវា និងយន្តហោះចម្បាំងរបស់ចិននេះ ទំនងជាផ្នែកមួយនៃសមយុទ្ធយោធារបស់ខ្លួន។ តាមការប្រកាសនៅថ្ងៃទី១១ ខែសីហា យោធាចិន បានប្រកាសធ្វើសមយុទ្ធយោធារយៈពេល ៣ថ្ងៃ ស្របពេលអនុប្រធានាធិបតីតៃវ៉ាន់ លោក Lai Ching-te បំពេញទស្សនកិច្ចនៅអាម៉េរិកខាងត្បូង ដោយឈប់នៅអាម៉េរិក។ 

 

នៅព្រឹកថ្ងៃទី១៣ ខែសីហា លោក Lai បានទៅដល់ក្រុងញូវយ៉ក អាម៉េរិកហើយ។ អនុប្រធានាធិបតីតៃវ៉ាន់នឹងធ្វើទស្សនកិច្ចនៅប៉ារ៉ាហ្កាយ ដើម្បីចូលរួមពិធីស្បថការកាន់តំណែងប្រធានាធិបតីនៅសប្តាហ៍ក្រោយ។ 

 

ការចូលឈប់របស់អនុប្រធានាធិបតីតៃវ៉ាន់ នៅអាម៉េរិក អាចធ្វើឱ្យចិនមានខឹងសម្បារ ខណៈកន្លងមក ចិនតែងប្រកាសចាត់វិធានការគ្រប់បែបយ៉ាង ដើម្បីការពារដែនកោះមួយនេះ មិនឱ្យប្រកាសឯករាជ្យ៕