«ប្រសិនបើចិនប្រើការផ្លាស់ប្ដូរជើងយន្ដហោះនៅអាម៉េរិកជាលេសដើម្បីចាប់ផ្តើមការបំភិតបំភ័យដោយពាក្យសំដី និងយោធា ឬវិធីគំរាមកំហែងផ្សេងៗទៀត វាបញ្ជាក់ថាចិនកំពុងព្យាយាមធ្វើអន្តរាគមន៍ក្នុងការបោះឆ្នោតរបស់តៃវ៉ាន់ដោយការគំរាមកំហែងផ្នែកយោធា» ។ លោក William Lai និយាយបែបនេះ។ 

 

បើតាមមន្ត្រីតៃវ៉ាន់ ចិនអាចនឹងចាប់ផ្តើមសមយុទ្ធយោធានៅសប្តាហ៍នេះ ដោយប្រើការផ្លាស់ប្ដូរជើងយន្ដហោះនៅអាម៉េរិករបស់លោក Lai ជាលេសដើម្បីបំភិតបំភ័យអ្នកបោះឆ្នោតមុនការបោះឆ្នោតនៅឆ្នាំក្រោយ សំដៅធ្វើឱ្យអ្នកបោះឆ្នោតភ័យខ្លាចសង្គ្រាម។

 

ជាមួយគ្នានេះ នៅក្នុងសន្និសីទនៅទីក្រុងមូស្គូ រដ្ឋមន្ត្រីការពារជាតិចិនលោក Li Shangfu បានបញ្ជាក់ថាការលេងជាមួយភ្លើងលើបញ្ហាតៃវ៉ាន់ និងការព្យាយាមដោយឥតប្រយោជន៍ដើម្បីគ្រប់គ្រងចិនជាមួយនឹងតៃវ៉ាន់គឺត្រូវបញ្ចប់ដោយបរាជ័យ។ បន្ថែមពីលើនេះ ចិនបានចាត់ទុកកោះតៃវ៉ាន់ជាបញ្ហានយោបាយ និងការទូតដ៏សំខាន់បំផុតសម្រាប់ខ្លួន ហើយវាគឺជាប្រភពនៃជម្លោះមិនឈប់ឈររវាងចិន និងអាម៉េរិក។

 

គួរបញ្ជាក់ថាលោក Lai គឺជាបេក្ខភាពនាំមុខគេក្នុងការក្លាយជាប្រធានាធិបតីបន្ទាប់នៅក្នុងការបោះឆ្នោតនាខែមករាខាងមុខរបស់តៃវ៉ាន់៕