បុរសជនជាតិចិន ដែលសង្ស័យពាក់ព័ន្ធករណីជួញដូរគ្រឿងញៀន ឈ្មោះ ហ្សាវ ឈីមីង (HSIAO CHI MING) អាយុ៥៧ឆ្នាំ ត្រូវបានសមត្ថកិច្ចចាប់ខ្លួន ជាមួយសារធាតុញៀនប្រភេទកេតាមីន ចំនួន៨ដុំ ទម្ងន់៧,៩៥៥ក្រាម និងទូរសព្ទ១គ្រឿង នៅមុខលំនៅដ្ឋានអូរៀ ផ្លូវលេខ៣៩២ ក្នុងសង្កាត់បឹងកេងកង១។ បច្ចុប្បន្នជនសង្ស័យរូបនេះ ត្រូវបានបញ្ជូនទៅសាលាដំបូងរាជធានីភ្នំពេញ និងបន្តចាត់ការតាមនីតិវិធីច្បាប់។
 

ក្រៅពីនេះ សមត្ថកិច្ចក៏បានឃាត់ខ្លួនជនសង្ស័យ៣នាក់ទៀត ជាមួយសារធាតុញៀន៧កញ្ចប់ នៅខេត្តកោះកុង និង១នាក់ទៀតនៅខេត្តបាត់ដំបង ជាមួយថ្នាំញៀនប្រភេទមេតំហ្វេតាមីន (ម៉ាទឹកកក ICE) ចំនួន១ថង់ ដែលពាក់ព័ន្ធនឹងករណីជួញដូរគ្រឿងញៀនផងដែរ៕