Carmona ជាម្ចាស់គ្រាប់បាល់ជ័យជម្នះសម្រាប់អេស្ប៉ាញ ដោយរកបានគ្រាប់បាល់ ១គ្រាប់ នៅនាទី២៩ យកឈ្នះការប្រកួតលើអង់គ្លេស ១-០ ដើម្បីគ្រងជើងឯក Women’s World Cup លើកដំបូងក្នុងប្រវត្តិសាស្ត្រខ្លួន។
 

«សហព័ន្ធ RFEF ពិតជាសោកស្តាយ ចំពោះការប្រកាសអំពីការទទួលមរណភាពនៃឪពុករបស់កីឡាការិនី Olga Carmona។ កីឡាការិនីបានដឹងពីដំណឹងដ៏ក្រៀមក្រំនេះ បន្ទាប់ពីបញ្ចប់ការប្រកួត World Cup វគ្គផ្តាច់ព្រ័ត្ររួចរាល់ ហើយយើងបានផ្ញើសាររំលែកទុក្ខដោយស្មោះបំផុតរបស់យើង ទៅកាន់ Olga និងក្រុមគ្រួសាររបស់នាងនៅក្នុងគ្រានៃទុក្ខដ៏សោកសៅមួយនេះ។»។ នេះបើតាមការប្រកួតរបស់ RFEF។
 

បើតាមអ្នកនាំពាក្យរបស់ RFEF បានប្រាប់ទីភ្នាក់ងារសារព័ត៌មាន Reuters ឪពុករបស់ Carmona បានប្រយុទ្ធប្រឆាំងនឹងជំងឺដ៏យូរ ហើយបានស្លាប់បាត់បង់ជីវិតកាលពីថ្ងៃទី១៨ ខែសីហា។

តាមប្រព័ន្ធផ្សព្វផ្សាយរបស់អេស្ប៉ាញ Relevo ក្រុមគ្រួសារ Carmona និងមិត្តភក្កិរបស់នាងបានសម្រេចចិត្តមិនប្រាប់នាង ព្រោះតែយើងចង់ឱ្យនាងអាចផ្តោតអារម្មណ៍លើការប្រកួតដ៏សំខាន់សម្រាប់ជីវិតរបស់នាង។ ម្តាយរបស់​Carmona និងបងប្រុសរបស់នាងបានធ្វើដំណើរទៅនូវែលសេឡង់ អំឡុង World Cup វគ្គចែកពូល ប៉ុន្តែពួកគេបានធ្វើដំណើរទៅអេស្ប៉ាញវិញ ហើយនៅវគ្គផ្តាច់ព្រ័ត្រក្នុងអូស្ត្រាលីពួកគេ ក៏បានទៅគាំទ្រដល់ Carmona ផងដែរ៕