កីឡាអន្តរជាតិ
អន្តរជាតិ
World Cup៖ កីឡាការិនីជប៉ុនបានស្បែកជើងមាស អង់គ្លេសបានស្រោមដៃមាស និងបាល់មាសបានទៅអេស្ប៉ាញ
× ក្រុមនារីអេស្ប៉ាញយកឈ្នះការប្រកួតលើក្រោមនារីអង់គ្លេសលទ្ធផល ១-០ ក្នុងជំនួបផ្តាច់ព្រ័ត្រនាថ្ងៃទី២០ ខែសីហា។ អេស្ប៉ាញក្លាយជាក្រុមជើងឯកពិភពលោកលើកដំបូងក្នុងប្រវត្តិសាស្ត្ររបស់ខ្លួន ខណៈដែលការប្រកួតមានចំនួនកើតឡើងដល់ ៣២ក្រុមលើកដំបូង ព្រមទាំងបានបំបែកកំណត់ត្រាអ្នកទស្សនាផ្ទាល់ និងតាមរយៈទូរទស្សន៍។
ក្រោយរកឃើញក្រុមជើងឯករួចមក ខាងក្រោមនេះគឺជាកីឡាការិនីដែលបានឈ្នះពានរង្វាន់ឯកត្តជន បន្ទាប់ពីពួកគេបានបង្ហាញទម្រង់លេងល្អបំផុតក្នុងព្រឹត្តិការណ៍៖
- កីឡាការិនីរកបានគ្រាប់បាល់ច្រើន ស្បែកជើងមាស ឬ Golden Boot បានលើកីឡាការិនីសញ្ជាតិជប៉ុន Hinata Miyazawa រកបាន ៥គ្រាប់ និងបញ្ជូន ១គ្រាប់។
- ស្បែកជើងប្រាក់ ឬ Silver Boot បានលើកីឡាការិនីសញ្ជាតិបារាំង Kadidatou Diani រកបាន ៤គ្រាប់ និងបញ្ជូន ១គ្រាប់។
- ស្បែកជើងសំរិទ្ធិ ឬ Bronze Boot បានលើកីឡាការិនីសញ្ជាតិអាល្លឺម៉ង់ Alexandra Popp រកបាន ៤គ្រាប់។
-
- អ្នកចាំទីល្អបំផុត ស្រោមដៃមាស ឬ Golden Glove បានលើកីឡាការិនីសញ្ជាតិអង់គ្លេស Mary Earps។
- កីឡាការិនីល្អបំផុតក្នុងព្រឹត្តិការណ៍ បាល់មាស ឬ Golden Ball បានលើកីឡាការិនីសញ្ជាតិអេស្ប៉ាញ Aitana Bonmati។
- កីឡាការិនីឈ្នះពានរង្វាន់បាល់ប្រាក់ Silver Ball បានលើកីឡាការិនីសញ្ជាតិ Jennifer Hermoso។
-
- កីឡាការិនីឈ្នះពានរង្វាន់បាល់សំរិទិ្ធ Bronze Ball បានលើកីឡាការិនីសញ្ជាតិស៊ុយអែត Amanda Ilestedt។
- កីឡាការិនីវ័យក្មេងល្អបំផុតក្នុងការប្រកួត Best Young Player បានលើកីឡាការិនីសញ្ជាតិអេស្ប៉ាញ Salma Paralluelo។
- ក្រុមដែលបានពានរង្វាន់លេងដោយយុត្តិធម៍ Fair Play Award បានលើក្រុមនារីជប៉ុន៕
Tag:
World Cup
Women’s World Cup 2023
© រក្សាសិទ្ធិដោយ thmeythmey.com