ខ្សែប្រយុទ្ធអន្តរជាតិអង់គ្លេស វ័យ ២១ឆ្នាំ ត្រូវបានផ្សាយថាកំពុងតែស្វែងរកក្រុមថ្មីសម្រាប់ចូលរួមបន្ទាប់ពីរូបគេបានសម្រេចចែកផ្លូវជាមួយនឹងក្រុម Manchester United កាលពីថ្ងៃទី២១​ ខែសីហា។ Greenwood សម្រេចចេញពីបិសាចក្រហម ស្របពេលខ្លួនស្ថិតក្រោមការស៊ើប​អង្កេត​លើការចោទប្រកាន់ពីបទប៉ុនប៉ងរំលោភ និងប្រើអំពើហិង្សារយៈពេលជាង ១ខែរួចមក។
 

ទាក់ទងនឹងពាក្យចចាមអារ៉ាម លើការផ្លាស់ប្តូរ Greenwood ទៅកាន់ក្លិប Al-Ettifaq​​ អតីតខ្សែបម្រើក្រុមជម្រើសជាតិអង់គ្លេស​ និងអតីតគ្រូបង្វឹកក្រុម Aston Villa បានបង្ហោះសារនៅលើបណ្តាញសង្គម Instagram ថាជាព័ត៌មានក្លែងក្លាយ។
 

Greenwood ត្រូវបានក្រុមបិសាចក្រហមព្យួរពីក្រុមនៅក្នុងខែមករា ឆ្នាំ ២០២២ ទាក់ទង់នឹងបញ្ហាដែលរូបគេត្រូវបានចោទប្រកាន់ថាប៉ុនប៉ងរំលោភ ហើយថែមទាំងបានបង្កអំពើហិង្សាលើមិត្តស្រីរបស់គេ។ ព័ត៌មានទាំងអស់នោះត្រូវបានបង្ហោះនៅលើបណ្តាញសង្គម ហើយត្រូវបានគេចែករំលែកបន្តបន្ទាប់។
 

ការកាត់ទោសលើកីឡាករវ័យ ២១ឆ្នាំ នឹងត្រូវធ្វើឡើងនៅថ្ងៃទី២៧ ខែវិច្ឆិកា ឆ្នាំ២០២៣ ប៉ុន្តែការចោទប្រកាន់ព្រហ្មទណ្ឌទាំងអស់ដែលប្រឆាំងលើរូបគេក៏នឹងត្រូវទម្លាក់នៅក្នុងខែកុម្ភៈ ឆ្នាំ​ ២០២៤។ ក្រុម Man United ក៏អះអាងថាខ្លួននឹងបើកការស៊ើប​អង្កេតលើ Greenwood ដែរបន្ទាប់ពីបទចោទទាំងឡាយលើរូបគេត្រូវបានទម្លាក់ ដោយក្លិបបានលើកឡើងកីឡាករវ័យ ២១ឆ្នាំ បានធ្វើឱ្យប៉ះពាល់ដល់តម្លៃក្លិប៕