ជាតិ
លោកនាយករដ្ឋមន្ត្រី ហ៊ុន ម៉ាណែត នឹងដឹកនាំកិច្ចប្រជុំគណៈរដ្ឋមន្ត្រីលើកដំបូង
× លោក ហ៊ុន ម៉ាណែត ដែលទើបឡើងកាន់អំណាចជានាយករដ្ឋមន្ត្រី នឹងដឹកនាំកិច្ចប្រជុំគណៈរដ្ឋមន្ត្រីជាលើកដំបូង នៅវិមានសន្តិភាព នាព្រឹកថ្ងៃទី២៤សីហា។ កិច្ចប្រជុំពេញអង្គនេះ លោក ហ៊ុន ម៉ាណែត នឹងពិនិត្យ-សម្រេចលើសេចក្តីព្រាងច្បាប់ស្តីពីការកែសម្រួលឈ្មោះ«ក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច»ទៅជា «ក្រសួងអធិការកិច្ច»។
ក្នុងកិច្ចប្រជុំដែលត្រូវដឹកនាំដោយលោក ហ៊ុន ម៉ាណែត ក៏ពិនិត្យ និងសម្រេចលើសេចក្តីព្រាងច្បាប់ពីការបង្កើត«រដ្ឋលេខាធិការដ្ឋានកិច្ចការព្រំដែន» និងប្រកាសដាក់ឱ្យដាក់អនុវត្តនូវ«យុទ្ធសាស្ត្របញ្ចកោណ-ដំណាក់កាលទី១។ លោកនាយករដ្ឋមន្ត្រី ក៏នឹងណែនាំអំពីរបៀបរបបការងារ និងកិច្ចដំណើរការនៃគណៈរដ្ឋមន្ត្រី រួមនឹងបញ្ហាផ្សេងៗ ផងដែរ។
«រដ្ឋលេខាធិការដ្ឋានកិច្ចការព្រំដែន» ដែលនឹងត្រូវបង្កើតនៅក្នុងរដ្ឋាភិបាលអាណត្តិទី៧ គឺមានលោក ឡាំ ជា ជារដ្ឋមន្ត្រី៕
© រក្សាសិទ្ធិដោយ thmeythmey.com