ជើងខ្លាំងមកពីជប៉ុនក្លិប Urawa ដែលបានបំបាក់ក្រុមមកពីហុងកុង Lee Man នៅវគ្គ Playoff ដើម្បីឈ្នះកៅអីសម្រាប់ព្រឹត្តិការណ៍ AFC Champions League ស្ថិតក្នុងពូល J ដោយរួមមានក្រុមជើងឯករងឆ្នាំ ២០២១ Pohang Steelers មកពីកូរ៉េខាងត្បូង និងជើងខ្លាំងវៀតណាមក្រុម Hanoi FC​ ក្រោយចាប់ពូលនៅក្នុងទីក្រុងកូឡាឡាំពួនាថ្ងៃទី២៤ ខែសីហា។ 
 

Al Nassr ក៏ឆ្លងកាត់មកពីការប្រកួតវគ្គ Playoff ដើម្បីប្រជែងក្នុងវគ្គចែកពូល បន្ទាប់ពីពួកគេបានបំបាកក្រុម Shabab Ah Ahli មកពីប្រទេសអេម៊ីរ៉ាត់អារ៉ាប៊រួមលទ្ធផល ៤-២។ ក្លិបដែល Ronaldo ប្រកបអាជីពនៅក្របខណ្ឌ Saudi Pro League ត្រូវបានចាប់ចូលក្នុងពូល E ដោយរួមមានក្រុម Al Duhail របស់កាតា និង FC Istiklol មកពីតាជីគីស្ថាន។
  

ក្រុម Al Hilal ម្ចាស់ពានរង្វាន់ទ្វីបអាស៊ី ៤សម័យ ដែលទើបចុះកិច្ចសន្យាជាមួយនឹង Neymar Jr កាលពីសប្តាហ៍មុន នឹងចាប់ផ្តើមការប្រកួតនៅក្នុងពូល D ដោយមានក្រុម Navbahor មកពីប្រទេសអូបេគីស្ថាន មុនទៅជួបក្រុម FC Nassaji Mazandaran របស់អ៊ីរ៉ង់ និងក្រុម Mumbai City របស់ឥណ្ឌា។
 

ការប្រកួតវគ្គចែកពូលសម្រាប់ពានរង្វាន់ក្លិបកំពូលប្រចាំទ្វីបអាស៊ី នឹងចាប់ផ្តើមការប្រកួតនៅថ្ងៃទី១៨ ខែកញ្ញា ដោយបែងចែកចេញជា ៥ពូល តាមតំបន់ភាគខាងកើត និងភាគខាងលិច។ ក្រុមកំពូលតារាងមកពីពូលទាំង ១០ នឹងត្រូវឆ្លងកាត់ទៅកាន់វគ្គជម្រុះ រួមជាមួយនឹងក្រុមចំណាត់ថ្នាក់លេខ ២ល្អ ចំនួន ៣ក្រុមបន្ថែមទៀតមកពីតំបន់ភាគខាងកើត និងភាគខាងលិច មកបំពេញបង្គ្រប់ចំនួន ១៦ក្រុមប្រកួត។
 

ការប្រកួតវគ្គជម្រុះនឹងធ្វើឡើងនៅថ្ងៃទី១២ ខែកុម្ភៈ ឆ្នាំ២០២៤ ហើយការប្រកួតវគ្គផ្តាច់ព្រ័ត្រនឹងធ្វើឡើងនៅថ្ងៃទី១១ និងទី១៨ ខែឧសភា ដែលជាការប្រកួត ២ជើង​ សម្រាប់ក្រុមជើងខ្លាំងមកពីតំបន់ទាំងពីរភាគនៃទ្វីបអាស៊ី។
 

ខាងក្រោមនេះជាការប្រកួតវគ្គចែកពូល ដែលចែកចេញជាពីរតំបន់ ខាងកើត និងខាងលិច៖

 

ពូល A: Pakhtakor , Al-Fayha , Ahal FC , Al-Ain 

ពូល B: Al-Sadd , FC Nasaf , Al-Faisaly , Sharjah FC 

ពូល C: Al-Ittihad , Sepahan , Air Force Club , AGMK FC

ពូល D: Al-Hilal , FC Nassaji Mazandaran , Mumbai City , Navbahor 

ពូល E: Persepolis , Al-Duhail , FC Istiklol , Al-Nassr 

 

ពូល F: Jeonbuk Motors , Bangkok United, Lion City Sailors, Kitchee

ពូល G: Yokohama F Marinos, Shandong Taishan, Kaya FC-Iloilo, Incheon United

ពូល H: Buriram United, Ventforet Kofu, Melbourne City, Zhejiang FC

ពូល I: Ulsan Hyundai, Kawasaki Frontale, Johor Darul Ta'zim, BG Pathum United

ពូល J: Wuhan Three Towns, Pohang Steelers, Hanoi FC, Urawa Red Diamonds