អាល់ហ្វា គឺជាម៉ាកយីហោបណ្ណាគារមួយរបស់ប្រទេសកូរ៉េ ដែលមានដាក់លក់សម្ភារៈសិក្សា និងសម្ភារៈការិយាល័យ គ្រប់ប្រភេទទៅតាមតម្រូវការរបស់អតិថិជន។ បណ្ណាគារ អាល់ហ្វា បានប្រារព្ធពិធីដាក់សម្ពោធជាផ្លូវការសាខាដំបូងគេនៅប្រទេសកម្ពុជា ក្រោមវត្តមានលោកនាយកប្រតិបត្តិ Mr. LEE JONG HO និង Mr. DAVID LEE នាយកទីផ្សារក្រៅប្រទេសនៃក្រុមហ៊ុន Alpha ពីប្រទេសកូរ៉េ និងភ្ញៀវកិត្តិយសជាច្រើននាក់ទៀត កាលពីព្រឹកថ្ងៃទី២៨ ខែសីហា ឆ្នាំ២០២៣ នៅជិតផ្សារទំនើបអ៊ីអន២ សែនសុខ។
លោកស្រី កែវ សុជាតិ អគ្គនាយិកាបណ្ណាគារ អាល់ហ្វា បានមានប្រសាសន៍ថា៖ «នាងខ្ញុំសង្ឃឹមយ៉ាងមុតមាំថាបណ្ណាគារ អាល់ហ្វានឹងបំពេញបាននូវរាល់តម្រូវការប្រើប្រាស់សម្ភារៈការិយាល័យរបស់បណ្តាក្រុមហ៊ុនក៏ដូចជាសម្ភារៈសិក្សារបស់សិស្សានុសិស្សគ្រប់វ័យ។ ដោយមើលឃើញពីសក្តានុពលនេះហើយ ទើបនាងខ្ញុំបានសម្រេចនាំយកនូវ Brand Alpha Stationary នេះ រួមជាមួយផលិតផលទាំងអស់ជាបន្តបន្ទាប់មកកាន់ទីផ្សាប្រទេសកម្ពុជា។»។
លោកស្រី បានបន្តទៀតថា ជាមួយនឹងការនិយមចូលចិត្តប្រហាក់ប្រហែលគ្នា ជាពិសេសការនិយមចូលចិត្តរបស់ប្រជាជនកម្ពុជាក្នុងស្រទាប់យុវវ័យលើផលិតផលកូរ៉េ Alpha stationary Store នឹងទទួលបានការគាំទ្រពីសំណាក់អតិថិជន ហើយនឹងឈានទៅដំណើរការបង្កបង្កើតសាខាថ្មីៗបន្តបន្ទាប់ទៀតនាពេលខាងមុខ។
គួរបញ្ជាក់ផងដែរថា Alpha ជាស្លាកសញ្ញាសម្គាល់នៃសម្ភារប្រើប្រាស់ក្នុងការិយាល័យ និងសម្ភារសិក្សាដែលធំ និងល្បីជាងគេនៅប្រទេសកូរ៉េអស់រយៈពេល ៦០ឆ្នាំមកហើយ។ ហើយគិតមកដល់បច្ចុប្បន្ននេះមាន Store រហូតដល់ ៨០០ កន្លែងនៅទូទាំងប្រទេសកូរ៉េខាងត្បូង នឹងបាននាំចេញផលិតផលរបស់ខ្លួនទៅកាន់ប្រទេសធំៗជាច្រើនដូចជា៖ ម៉ុងហ្គោលី, វៀតណាម, ថៃ, ម៉ាឡេស៊ី, ជប៉ុន, ស្វីស, អាឡឺម៉ង់, បារាំង, អារ៉ាប៊ីសាអូឌីត, អេមីរ៉ាតអារ៉ាប់រួម, សេណេហ្គាល់, ឡាវ, សហរដ្ឋអាមេរិក ហើយនិងប្រទេសកម្ពុជា ជាសាខាដំបូង ដែលលោកស្រី កែវ សុជាតិ បាននាំចូលផ្តាច់មុខនូវផលិតផលបណ្ណាគារ ម៉ាក Alpha មកកាន់ទីផ្សារប្រទេសកម្ពុជា ដោយមានសម្ភារះសម្បូរបែបជិត ៧ម៉ឺនមុខរួមទាំងគុណភាព កម្រិតស្តង់ដារ និងមានតម្លៃសមរម្យ៕
សម្រាប់ព័ត៌មានបន្ថែមសូមទាក់ទង៖
លេខទូរស័ព្ទ៖ 077 377 773/098 221 181