រាប់បញ្ចូលទាំងការប្រកួតជាមួយ កម្ពុជា ក្នុងព្រឹត្តិការណ៍ AFC U23 Asian Cup Qatar 2024 Qualifiers ក្រុមជម្រើសជាតិបាល់ទាត់អាយុក្រោម ២៣ឆ្នាំរបស់លីបង់ មិនទាន់រកបានជ័យជម្នះនៅឡើយទេ ក្នុង ១០ប្រកួត នាឆ្នាំ២០២៣នេះ។ ចំពោះការប្រកួតជាមួយកម្ពុជា លីបង់ ដូចជាមានប្រៀបច្រើនជាង តាមរយៈការគ្រប់គ្រងបាល់ ការដាក់សម្ពាធ និងឱកាសស៊ុតជាច្រើនជាង ជាពិសេស កាយសម្បទា ដែលមានមាឌធំជាង ជម្រើសជាតិកម្ពុជាអាយុក្រោម ២៣ឆ្នាំ។
 

កម្ពុជា ត្រូវបាន លីបង់ នាំមុខ ១-០ នៅនាទី៧ ដោយកីឡាករ Mohammad Nasser ខ្សែបម្រើលីបង់ បានបណ្ដើរ មកជិតតំបន់គ្រោះថ្នាក់ រួចក៏ស៊ុតបញ្ចូលទីពីចម្ងាយ។ លុះចូលដល់នាទី៤៥+២ កម្ពុជា តាមស្មើ ១-១ តាមរយៈការបញ្ជូនបាល់ពីពាក់កណ្ដាលរបស់ កីឡាករ ស រតនា មកឲ្យ សារ ទី ហើយត្រូវ សារ ទី ទាត់បុកជើងខ្សែការពារលីបង់ កីឡាករ Ibrahim Chami ហើយក៏ឡង ចូលទីរបស់លីបង់។ 
 

ចូលដល់តង់ទី២ កីឡាករ ស រតនា របស់កម្ពុជា រកបានគ្រាប់បាល់នាំមុខលីបង់ លទ្ធផល ២-១ នៅនាទី៦៦ បន្ទាប់ពីមិត្តរួមក្រុមបញ្ជូន បាល់ពីស្លាបខាងឆ្វេង មកតំបន់ប្រយុទ្ធកណ្ដាល។ នៅនាទី៧៤ កីឡាករ Karim Mekkaouri បានស៊ុត បញ្ចូលទី បន្ទាប់ពី អូសផុតខ្សែការពារ និងអ្នកចាំទីកម្ពុជា។ លទ្ធផល បញ្ចប់ការប្រកួត កម្ពុជា ស្មើជាមួយ លីបង់ ២-២។

នៅក្នុងពូលដដែរនេះ អារ៉ាប៊ី សាអូឌីត បានយកឈ្នះ លើក្រុមម៉ុងហ្គោលី ក្នុងលទ្ធផល ៣-១។
 

ការប្រកួតក្នុងពូលនានា៖ 

ស៊ីរី ០-២ អូម៉ង់

ហ្សកដានី ៩-០ ព្រុយណេ
 

មីយ៉ាន់ម៉ា ១-១ សាធារណរដ្ឋកៀហ្ស៊ីស៊ី

សាធារណៈរដ្ឋកូរ៉េ ០-២ កាតា
 

សិង្ហបុរី ០-៣ យេម៉ែន

វៀតណាម ៦-០ កោះហ្គាំ
 

បារ៉ែន ០-១ ប៉ាឡេស្ទីន

ជប៉ុន ៦-០ ប៉ាគីស្ថាន
 

អ៊ីរ៉ង ៣-០ ហុងកុង

អ៊ូសបេគីស្ថាន ៨-១ អាហ្វហ្គានីស្ថាន
 

អ៊ីរ៉ាក់ ១៣-០ ម៉ាកាវ

គុយវ៉ែត ៤-០ ទីម័រខាងកើត
 

អារ៉ាប់រួម ០-០ ចិន
 

ម៉ាឡេស៊ី ២-០ បង់ក្លាដែស

ថៃ ៥-០ ហ្វីលីពីន
 

ឡាវ ១-៧ អូស្ដ្រាលី
 

កម្ពុជា ២-២ លីបង់

អារ៉ាបី សាអូឌីត ៣-១ ម៉ងហ្គោលី
 

ឆាយនីសតាយប៉ិក ០-៤ តូមិននីស្ថាន
 

ការប្រកួតបន្ទាប់របស់ក្រុម​កម្ពុជា អាយុក្រោម ២៣ឆ្នាំ ត្រូវប៉ះជាមួយ ម៉ុងហ្គោលី នៅថ្ងៃទី៩ ខែកញ្ញា ហើយត្រូវប្រកួតជាមួយ អារ៉ាប៊ី សាអូឌីត នៅថ្ងៃទី១២ ខែកញ្ញា ឆ្នាំ២០២៣ ដែលជាប្រកួតចុងក្រោយពូល J៕