តាមទំព័រហ្វេសប៊ុកផ្ទាល់ខ្លួន កញ្ញា អ៊ឹម រចនា នៅថ្ងៃទី៧ ខែកញ្ញា បានបញ្ជាក់ថា នៅសប្ដាហ៍នេះ តម្លៃស្រូវធ្លាក់ចុះមកត្រឹម ១ ១០០រៀលទៅ ១ ២០០រៀលក្នុងគីឡូក្រាម ធៀបនឹងប៉ុន្មានសប្ដាហ៍មុនស្រូវអាចលក់បានជាង១ ៣០០រៀលក្នុងមួយគីឡូក្រាម។ ទោះជាយ៉ាងណា ក្នុងតម្លៃនេះ កសិករនៅតែអាចទទួលបានប្រាក់ចំណេញដដែល ដ្បិតមិនបានច្រើនដូចប៉ុន្មានសប្ដាហ៍មុន។ 
 

ជាមួយគ្នានេះ ក្រសួងកសិកម្ម កំពុងធ្វើការយ៉ាងជិតស្និទ្ធជាមួយវិស័យឯកជន និងសហព័ន្ធស្រូវអង្ករ ដើម្បីឈានទៅបើកទីផ្សារថ្មីៗបន្ថែមទៀត ដែលនឹងជួយធានាតម្លៃស្រូវអង្ករនៅកម្ពុជាឱ្យស្ថិតនៅក្នុងកម្រិតមួយ ដែលកសិករ និងអ្នកវិនិយោគអាចទទួលបានផលចំណេញសមរម្យ។ លើសពីនេះ ក្រសួងក៏កំពុងទាក់ទាញវិនិយោគិនឱ្យវិនិយោគលើផ្នែកធាតុចូលកសិកម្ម ដូចជា ការផលិតពូជស្រូវសុទ្ធ ជី ថ្នាំកម្ចាត់សត្វល្អិតជាដើម ដើម្បីឈានទៅកាត់បន្ថយការចំណាយ និងបង្កើនផលចំណេញ៕