បញ្ជាផ្អាកជាបន្ទាន់នេះ ធ្វើឡើង បន្ទាប់ពីសម្តេច ហ៊ុន ម៉ាណែត ទទួលបានសំណើពីក្រសួងចំនួន៣ តាមរយៈក្រសួងមុខងារសធារណៈ ដើម្បីរៀបចំនីតិវិធីប្រឡងជ្រើសរើសមន្រ្តី នៅក្នុងឆ្នាំ ២០២៣។

 

«ខ្ញុំសុំផ្អាករាល់ការជ្រើសរើសមន្ត្រី ទាំងក្នុងផែនការ២០២៣ ដែលនៅសេសសល់ សម្រាប់ត្រៀមរៀបចំនៅពេលក្រោយ»។ នាយករដ្ឋមន្ត្រីកម្ពុជាបញ្ជាក់ដូច្នេះ មុននឹងបន្តថា ការប្រឡងជ្រើសរើសមន្ត្រីឱ្យមានសុក្រឹតភាព គឺជាយន្តការចាំបាច់ណាស់ ក្នុងការធ្វើកំណែទម្រង់មន្ត្រីមុខងារសាធារណៈ ហើយដែលវាជាគោលដៅចម្បងផងដែររបស់រដ្ឋាភិបាលអាណត្តិថ្មី។

 

ការប្រឡងជ្រើសរើសមន្ត្រី នឹងចាប់ផ្តើមវិញ នៅពេលដែល យន្តការ និងគណៈកម្មការកំណែទម្រង់មន្ត្រីមុខងារសាធារណៈថ្មី ត្រូវបានរៀបចំរួចរាល់នៅពេលខាងមុខ។ នេះបើតាមនាយករដ្ឋមន្ត្រីកម្ពុជា៕