ជាតិ
បទយកការណ៍ / បទសម្ភាសន៍
វីដេអូ
កុមារី ថៃ ណារីម វ័យ៥ឆ្នាំ អាចអាននិងសរសេរអក្សរបានយ៉ាងល្អ
× ភ្នំពេញ៖ កុមារី ថៃ ណារីម ទើបតែអាយុជាង៥ឆ្នាំប៉ុណ្ណោះ ប៉ុន្តែនាងអាចអានកាសែត សរសេរបទចម្រៀងដែលខ្លួនចេះ ពិសេសនាងអាចអានសៀវភៅ កម្រិតវិទ្យាល័យ ដែលមានពាក្យលំបាក។ លទ្ធផលទាំងអស់នេះ នាងទទួលបានការបង្ហាត់បង្រៀន ពីឪពុកដែលរៀនមិនបានខ្ពស់។ ជាកូនស្រីរបស់បុរសលក់ត្របែក និងផ្លែឈើតាមរទេះចល័តតូចមួយ នៅតាមដងផ្លូវ កុមារី ថៃ ណារីម បានធ្វើឱ្យសាធារណជន ទាំងអ្នកថ្មើជើង អ្នកជិះម៉ូតូ និងឡាន ចាប់អារម្មណ៍លើរូបនាង។ ចាប់អារម្មណ៍ ក៏ព្រោះតែ សកម្មភាពដែលនាងសិក្សារៀនសូត្រ នៅតាមចិញ្ចើមផ្លូវនោះឯង។
សូមអញ្ជើញលោកអ្នកនាង ទស្សនាវីដេអូខាងក្រោមនេះ
បុរសជាឪពុក អះអាងថា គាត់បង្រៀនកូនស្រី ត្រឹមតែរយៈពេល១៤ខែប៉ុណ្ណោះ តាំងពីដំណាក់កាលដំបូងបង្អស់ ដែលនាងមិនទាន់ចេះអក្សរអ្វីសោះ រហូតដល់នាងអាចអានបានដូចសព្វថ្ងៃ។ យ៉ាងណាក៏ដោយ ឪពុករូបនេះ ថាខ្លួនរៀនសូត្របានតិចតួចបំផុតចេញពីវត្ត ព្រោះក្នុងសម័យសង្គ្រាម លោកត្រូវរត់គេច ដើម្បីរក្សាជីវិត។
បុរសសម្បុរស្រអែមស្រអាប់ ដែលត្រូវជាឪពុករូបនេះ ថាគាត់តែងយកកូនស្រីមកតាមជានិច្ច ពេលគាត់មកលក់ផ្លែឈើ។ មានពេលទំនេរបន្តិចបន្តួច ដែលមិនមានភ្ញៀវទិញទំនិញ លោកឆ្លៀតបង្រៀនកូន ឱ្យចេះអាន ចេះសរសេរ និងបង្រៀនគណិតដល់នាងខ្លះដែរ។ លោកថាក្មេងឆ្លាតនិងរៀនពូកែ គឺមកពីមានការចូលរួមបង្ហាត់បង្រៀន ពីម្ដាយឪពុក៕
Tag:
អំណាន
អប់រំ
កុមារី
សៀវភៅ
© រក្សាសិទ្ធិដោយ thmeythmey.com