កីឡាករ សេង ពិទូរ្យ ដែលប្រឡូកក្នុងវិស័យបាល់ទាត់ហ្វូតសាលកម្ពុជា តាំងពីឆ្នាំ២០១៩ មកទល់ពេលនេះ បានប្រាប់សារព័ត៌មានថ្មីៗ តាមហ្វេសប៊ុកថា វិស័យកីឡានេះ រីកចម្រើនខ្លាំង ដោយមានការកើនឡើងនូវធនធានកីឡាករមានកម្រិតខ្ពស់ និងកំណើនទីលាននៃការប្រកួត។ កីឡាករវ័យ ២៧ឆ្នាំនេះ និយាយថា បច្ចុប្បន្នកីឡករ ភាគច្រើនមានទាំងបច្ចេកទេស និងសមត្ថភាព ហើយថែមទាំងយល់ដឹងពីរបៀបលេង បែបជាតិ និងអន្ដរជាតិថែមទៀតផង។ 
 

សមាជិកក្រុមជើងឯកនេះ បន្ថែមទៀតថា ប្រសិនជាវិស័យកីឡាបាល់ទាត់ហ្វូតសាលនេះ ត្រូវបានគេបង្កើតក្រុម និងទីលានកាន់តែច្រើន កម្ពុជា នឹងអាចប្រកួតប្រជែងជាមួយប្រទេស ដែលមានកម្រិតខ្លាំងជាមិនខាន នាពេលអនាគត។