គណៈកម្មាធិការជាតិអូឡាំពិកកម្ពុជា បានរៀបរាប់យ៉ាងលម្អិតនៅទំព័រហ្វេសប៊ុករបស់ខ្លួនថា អត្ដពលិកទាំង១១៤នាក់ដែលនឹងប្រកួតដណ្តើមយកមេដាយពី Asian Games 2022 នៅប្រទេសចិននោះ គឺមានអត្ដពលិក៤នាក់ប្រកួតលើកីឡាហែលទឹក, អត្ដពលិក២នាក់ ប្រកួតលើកីឡាវាយសី,  អត្ដពលិក៤នាក់លើកីឡាបាល់បោះ, ១៥នាក់លើគ្រីកឃីត, ១៤នាក់លើកីឡាទូកនាគ។

 

អត្តពលិក២នាក់ ប្រកួតលើគុនដាវ, ២នាក់ប្រកួតលើកីឡាយូដូ, ២នាក់ប្រកួតលើជឺជិតស៊ូ, ១០នាក់ប្រកួតលើការ៉ាតេ, ២នាក់លើអុកចិន, ៣នាក់លើទូកក្ដោង, ៦នាក់លើតេក្វាន់ដូ WT, ១០នាក់លើសូហ្វតិន្នីស, ២នាក់លើទ្រីយ៉ាត្លុង, ១២នាក់លើបាល់ទះក្នុងសាល (បុរស) អត្ដពលិក១៤ទៀត គឺប្រកួតលើប្រភេទកីឡាចំបាប់។​

 

កីឡាអាស៊ីលើកទី១៩ ដែលមានប្រទេសចូលរួម៤៥ នឹងចាប់ផ្តើមប្រកួតផ្លូវការពីថ្ងៃទី២៣ ខែកញ្ញាតទៅ ដោយ មាន៤០ប្រភេទកីឡា ក្នុងនោះមាន៤៨១វិញ្ញាសា ដើម្បីប្រកួតប្រជែងគ្នាក្នុងទីក្រុងហាងចូល ប្រទេសចិន។ សម្រាប់កម្ពុជាក្រៅពីមានប្រតិភូកីឡាហើយនោះ ក៏មានវត្តមាន ព្រះ​ករុណាព្រះបាទ​សម្ដេចព្រះបរមនាថ នរោត្ដមសីហមុនី ព្រះមហាក្សត្រ នៃព្រះរាជាណាចក្រកម្ពុជា ចូលរួមពិធីបើកព្រឹត្តិការណ៍នេះ ផងដែរ៕