តាម​ការ​រៀបរាប់ ស្ត្រី​នោះ បាន​ជួបមិត្តភក្តិ​ម្នាក់ ហើយ​ខ្លួន​បាន​ដក​កាសមួយចំហៀង​ចេញ​ដើម្បីសន្ទនា​គ្នា។ បន្ទាប់មក គាត់​បាន​លេបកាសនោះចូលទៅក្នុងមាត់ ដោយច្រឡំថា ជាថ្នាំវីតាមីនដែលខ្លួនលេបជាប្រចាំ។ «ខ្ញុំបាន​ដាក់វាចូលទៅក្នុងមាត់ និង​ផឹក​ទឹក​បន្តិច ហើយពេលនោះខ្ញុំ​មាន​អារម្មណ៍​ថាពិបាក​លេប ដោយព្យាយាម​បើក​បំពង់កឲ្យធំដើម្បីលេបចូល»។

 

ពីរបីនាទីក្រោយមក ស្ត្រីនោះងឿងឆ្ងល់ខ្លួនឯង ដោយ​ថ្នាំវីតាមីននៅក្នុង​ដៃនៅឡើយ ខណៈ AirPod មួយចំហៀងទៀត បាន​បាត់។ គាត់​បញ្ជាក់ក្នុង​វីដេអូថា៖ «ពិតជាឆ្កួតមែនទែន ប៉ុន្តែខ្ញុំបានជ្រុល​លេបខុសទៅហើយ»។

 

ក្រោយមក​ គាត់​បាន​ទៅសុំយោបល់ពីមិតភក្តិដើម្បី​លេបថ្នាំបញ្ចុះ ប៉ុន្តែ​ទទួលបាន​ការណែនាំឲ្យ​វា​ចេញតាម​បែបធម្មជាតិ។ ដើម្បីឲ្យជាក់ច្បាស់គាត់​ក៏បាន​ប្រើ​កម្មវិធី Find My ដើម្បីស្វែងរក AirPod ផងដែរ។ តើក្រោយ​ឆ្លងកាត់ដំណើរក្នុងពោះរួច AirPod ដំណើរការធម្មតា ឬយ៉ាងណា ? ស្ត្រីនោះឆ្លើយថា មិន​ដើរដូចដើម​ឡើយ៕