ជាតិ
ព័ត៍មានសុខភាព
អត្ថបទពាណិជ្ជកម្ម
×![]()
ដោយ: សារព័ត៌មានថ្មីៗ
ភាពមិនប្រក្រតីនៃការបរិភោគអាហារ គឺជាជំងឺទាក់ទងនឹងផ្លូវចិត្ត ដែលបណ្តាលឲ្យមានទម្លាប់នៃការញាំអាហារមិនល្អហើយប៉ះពាល់ដល់សុខភាព។ ជំងឺនេះភាគច្រើនកើតឡើងពីដោយសារការផ្តោតអារម្មណ៍ខ្លាំងពេកលើទម្ងន់ រូបរាងកាយ និងរបបអាហាររបស់អ្នក ដែលនាំទៅរកភាពមិនប្រក្រតីនៃការញាំអាហារ និងបង្កគ្រោះថ្នាក់ដល់សុខភាព។
តើវាមានរោគសញ្ញាអ្វីខ្លះ?
- ប្រភេទផ្សេងគ្នានៃភាពមិនប្រក្រតីនៃការញាំមានរោគសញ្ញាផ្សេងៗគ្នា ប៉ុន្តែប្រភេទនីមួយៗពាក់ព័ន្ធនឹងការផ្តោតអារម្មណ៍ខ្លាំងលើការញាំ និងទម្ងន់។
- សញ្ញាផ្លូវចិត្ត និងអាកប្បកិរិយាអាចរួមមាន៖
- ការព្រួយបារម្ភអំពីការបរិភោគនៅទីសាធារណៈ
- ខ្វល់ខ្វាយជាមួយនឹងទម្ងន់ ប្រភេទអាហារ ចំនួនកាឡូរី ឬកម្រិតជាតិខ្លាញ់ដែលបរិភោគ
- បដិសេធថាមានអារម្មណ៍ឃ្លាន
- គេចមិនព្រមញ៉ាំអាហារ
- កំណត់នូវបរិមាណ និងប្រភេទអាហារដែលញាំចូល
- ធ្វើលំហាត់ប្រាណខ្លាំងពេក។
សញ្ញារាងកាយអាចរួមមាន៖
- ស្រកទម្ងន់យ៉ាងខ្លាំង
- មានការទល់លាមក និងឈឺពោះ
- វិលមុខ ឬដួលសន្លប់
- មានអារម្មណ៍ត្រជាក់គ្រប់ពេលវេលា
- ភាពមិនប្រក្រតីនៃការគេង
- រដូវមកមិនទៀងទាត់ (ចំពោះស្រ្តី)
- ស្បែកមានសភាពស្ងួត
- កម្រិតទីរ៉ូអ៊ីតទាប, កម្រិតអរម៉ូនទាប, កម្រិតប៉ូតាស្យូមទាប, ចំនួនកោសិកាឈាមទាប និងចង្វាក់បេះដូងយឺត។
ប្រភព៖
សម្របសម្រួលដោយ៖ ឱសថការី ឈាង សីហាក់ និង ឱសថការី លីណ្ណា ជិញជិញ
Tag:
ព័ត៌មានសុខភាព
© រក្សាសិទ្ធិដោយ thmeythmey.com
