ក្រសួងសុខាភិបាល ពិនិត្យឃើញមានការលក់ចែកចាយ Phaanedol® Plus ដោយគ្មានលេខបញ្ជីកាពីក្រសួងសុខាភិបាល នៅតាមគ្រឹះស្ថានលក់ឱសថមួយចំនួន។ ហេតុនេះ ក្រសួងប្រាប់ពលរដ្ឋកុំឱ្យទិញ ព្រោះវាអាចជាឱសថក្លែងក្លាយ បណ្ដាលឱ្យប៉ះពាល់សុខភាព និងបង្កគ្រោះថ្នាក់ដល់អាយុជីវិតផងដែរ។ 

 

ជាមួយគ្នាដែរ​ ក្រសួងព្រមានអ្នកចែកចាយ Phaanedol® Plus រួមទាំងអ្នកពាក់ព័ន្ធ ត្រូវបញ្ឈប់ការនាំចូល លក់ឱសថខាងលើនេះ ជាបន្ទាន់។ បើមិនដូច្នេះទេ ក្រសួង នឹងចាត់វិធានការតាមផ្លូវច្បាប់ លើអ្នកចែកចាយ ឱសថដែលគ្មានបញ្ជីកា។ ទន្ទឹមនឹងនេះ ក្រសួងឱ្យពលរដ្ឋរាយការណ៍ ទៅក្រសួងជាបន្ទាន់ ពេលប្រទះឃើញមានការលក់ដូរឱសថ Phaanedol® Plus៕