ជាតិ
សកម្មជនជាប់ពន្ធនាគារអស់២ឆ្នាំ ត្រូវបានដោះលែងវិញ លោក ឆន ផល្លា សកម្មជនការពារព្រៃឈើខេត្តរតនគិរី ត្រូវបានដោះលែងចេញពីពន្ធនាគារ។ រូបពី សមាគមអាដហុក
× ភ្នំពេញ៖ នៅថ្ងៃនេះ លោក ឆន ផល្លា សកម្មជនការពារព្រៃឈើខេត្តរតនគិរី ត្រូវបានដោះលែងចេញពីពន្ធនាគារ ក្រោយពេលសាលាឧទ្ធរណ៍ត្បូងឃ្មុំ សម្រេចបដិសេធសាលក្រមរបស់សាលាដំបូងខេត្តរតនគិរី។ នេះបើតាម សមាគមអាដហុក។
លោក ឆន ផល្លា សកម្មការពារព្រៃឈើ ធនធានធម្មជាតិ និងជាសកម្មជនការពារដីធ្លីសហគមន៍ជនជាតិដើមភាគតិចដ៏សកម្មនៅឃុំសេដា ស្រុកលំផាត់ខេត្តរតនគិរី ត្រូវបានដោះលែងពីពន្ធនាគារនៅល្ងាចថ្ងៃទី៦ តុលានេះ បន្ទាប់ពីសាលាឧទ្ធរណ៍ត្បូងឃ្មុំ សម្រេចចាត់ទុកសាលក្រមសាលាដំបូងខេត្តរតនគិរី ជាអសារបង់ និងឱ្យរួចផុតបទចោទប្រកាន់។
មុនឈានដល់ការដោះលែង លោក ឆន ផល្លា ឱ្យមានសេរីភាពឡើងវិញលោកត្រូវបានឃុំខ្លួនអស់រយៈពេលជាង២ឆ្នាំមកហើយ។ សកម្មជនរូបនេះ ត្រូវបានអាជ្ញាធរនិងតុលាការខេត្តរតនគិរី សម្រេចឃុំខ្លួនកាលពីថ្ងៃទី២០កញ្ញា ឆ្នាំ២០២១។ នៅថ្ងៃទី១០ វិច្ឆិកា ឆ្នាំ២០២១ តុលាការ សម្រេចឱ្យលោកជាប់ពន្ធនាគារ៥ឆ្នាំ ពីបទកាប់គាស់រុករាន ឆ្ការដុត និង ឈូសឆាយដីព្រៃយកធ្វើជាកម្មសិទ្ធ៕
© រក្សាសិទ្ធិដោយ thmeythmey.com