ជាតិ
ពលរដ្ឋខេត្តសៀមរាបចូលរួមរត់ប្រណាំង អបអរការបើកព្រលានយន្តហោះថ្មី
× សៀមរាប៖ អ្នកចូលរួមរត់ប្រណាំងជាង៨០០នាក់ បានចូលរួមរត់កម្មវិធីរត់ប្រណាំង នៅ ព្រឹកថ្ងៃទី៨ ខែតុលា ជាការអបអរការដាក់ដំណើរការព្រលានយន្តហោះអន្តរជាតិសៀមរាប-អង្គរ។ អ្នកចូលរួមមួយចំនួន និយាយថា វាមិនមែនត្រឹមតែជាសកម្មភាពកីឡាប៉ុណ្ណោះទេ តែវាការជាការផ្សព្វផ្សាយទៅកាន់ទេសចរ ពីការបើកព្រលានថ្មីនេះ និងចង់ឱ្យមានទេសចរមកទស្សនាខេត្តសៀមរាប។
ដើម្បីជ្រាបច្បាស់សូមលោកអ្នកនាងទស្សនាវីដេអូដូចតទៅ៖
ការរត់ប្រណាំងនេះ ចាប់ផ្តើមពីផ្លូវហាយវ៉េកែងផ្លូវជាតិលេខ៦ ឆ្ពោះទៅកាន់ព្រលានយន្តហោះ អន្ដរជាតិសៀមរាប-អង្គរ និងបែកចែកជាបីក្រុមប្រកួត គឺក្រុមចម្ងាយ៥គីឡូម៉ែត្រ, ១០គីឡូម៉ែត្រ និង១៥គីឡូម៉ែត្រ។
គួរជម្រាបលោកអ្នកនាងផងដែរថា ព្រលានយន្តហោះអន្ដរជាតិសៀមរាប (ទីតាំងចាស់) នឹងបិទប្រតិបត្តិការទាំងស្រុងនៅ ថ្ងៃទី១៥ តុលា វេលាម៉ោង១២យប់ ហើយការងារទាំង អស់នឹងត្រូវផ្ទេរទៅព្រលានយន្តហោះថ្មីនៅស្រុកសូទ្រនិគម ដែលវិនិយោគដោយក្រុមហ៊ុន ចិន AIAI។
តាមការចុះផ្សាយរបស់រដ្ឋលេខាធិការដ្ឋានអាកាសចរណ៍ស៊ីវិល ព្រលានយន្តហោះ អន្ដរជាតិសៀមរាប-អង្គរ មានចំណតយន្តហោះចំនួន ៣៨ ក្នុងនោះចំណត Code E ចំនួន១១ចំណត និងចំណត Code C ចំនួន២៧ មានតួប៉មបញ្ជាហោះហើរ មានកម្ពស់៨០ម៉ែត្រ និងមានស្ថានីយអ្នកដំណើរ ដែលអាចទទួលបានទេសចរ៧លាននាក់ ក្នុងមួយឆ្នាំ៕
Tag:
ThmeyThmey
រត់ប្រណាំង
ព្រលានថ្មី
សៀមរាប
ទេសចរណ៍
© រក្សាសិទ្ធិដោយ thmeythmey.com