ការរត់ប្រណាំងនេះ ចាប់ផ្តើមពីផ្លូវហាយវ៉េកែងផ្លូវជាតិលេខ៦ ឆ្ពោះទៅកាន់ព្រលាន​យន្ត​ហោះ អន្ដរជាតិសៀមរាប-អង្គរ និងបែកចែកជាបីក្រុមប្រកួត គឺក្រុមចម្ងាយ៥គីឡូម៉ែត្រ, ១០​គីឡូម៉ែត្រ និង១៥គីឡូម៉ែត្រ។
 

គួរជម្រាបលោកអ្នកនាងផងដែរថា ព្រលានយន្តហោះអន្ដរជាតិសៀមរាប (ទីតាំងចាស់) នឹង​បិទប្រតិបត្តិការទាំងស្រុងនៅ ថ្ងៃទី១៥ តុលា វេលាម៉ោង១២យប់ ហើយការងារ​ទាំង អស់​នឹងត្រូវផ្ទេរទៅព្រលានយន្តហោះថ្មីនៅ​ស្រុកសូទ្រនិគម ដែលវិនិយោគដោយក្រុមហ៊ុន ចិន AIAI។ 
 

តាមការចុះផ្សាយរបស់រដ្ឋលេខាធិការដ្ឋាន​អាកាសចរណ៍ស៊ីវិល ព្រលានយន្តហោះ អន្ដរជាតិសៀមរាប-អង្គរ មានចំណតយន្តហោះចំនួន ៣៨ ក្នុងនោះចំណត Code E ចំនួន​១១ចំណត និងចំណត Code C ចំនួន២៧ មានតួប៉មបញ្ជាហោះហើរ មានកម្ពស់៨០ម៉ែត្រ និងមានស្ថានីយអ្នកដំណើរ ដែលអាចទទួលបានទេសចរ៧លាននាក់ ក្នុងមួយឆ្នាំ៕