នារីៗ ដែលតែងតែមានការឈឺចាប់ពេលមករដូវគួរអានអត្ថបទមួយនេះ

ជាតិ

ព័ត៍មានសុខភាព

អត្ថបទពាណិជ្ជកម្ម

នារីៗ ដែលតែងតែមានការឈឺចាប់ពេលមករដូវគួរអានអត្ថបទមួយនេះ

10, Oct 2023 , 11:29 am

រូបភាព

ដោយ: សារព័ត៌មានថ្មីៗ

ការមករដូវ គឺជាការហូរឈាមតាមទ្វារមាសធម្មតា ដែលកើតឡើងជាផ្នែកនៃវដ្តប្រចាំខែរបស់ស្ត្រី។ ស្ត្រីជាច្រើនមានរដូវឈឺចាប់នៅពេលមករដូវ។ ការឈឺចាប់ពេលមករដូវភាគច្រើនជាការឈឺចុកចាប់នៅផ្នែកខាងក្រោមពោះរបស់អ្នក ឬក៏អាចមានរោគសញ្ញាផ្សេងទៀតដូចជា ឈឺខ្នងផ្នែកខាងក្រោម ចង្អោរ រាក និងឈឺក្បាល។

តើហេតុអ្វីបានជាមានការឈឺចាប់ពេលមករដូវ?

ការឈឺចាប់ពេលមករដូវកើតឡើងនៅពេលដែលស្បូនរបស់អ្នករឹតបន្តឹងអំឡុងពេលមករដូវ។ ជារឿយៗវាជារឿងធម្មតានៃវដ្តរដូវ។ ពេលខ្លះការឈឺចាប់ពេលមករដូវអាចបណ្តាលមកពីស្ថានភាពផ្សេងទៀតដូចជា៖

ជាលិកាស្បូនលូតលាស់នៅកន្លែងផ្សេងទៀត (endometriosis និង adenomyosis)
ការលូតលាស់ដុំសាច់ក្នុងស្បូន និងជុំវិញស្បូន
ការឆ្លងមេរោគលើស្បូន បំពង់ស្បូន និងអូវែរ (រលាកអាងត្រគាក)
ការដាក់កងក្នុងស្បូន (IUD) ក៏អាចបណ្តាលឲ្យមានការឈឺចាប់ពេលមករដូវផងដែរ ជាពិសេសក្នុងអំឡុងពេល ៣ ទៅ ៦ ខែដំបូងបន្ទាប់ពីការដាក់បញ្ចូល។

តើអ្នកគួរដោះស្រាយការឈឺចាប់ពេលមករដូវដោយរបៀបណា?

ដើម្បីជួយសម្រួលការឈឺចាប់ពេលមករដូវ អ្នកអាចសាកល្បង៖

ធ្វើការស្អំផ្នែកខាងក្រោមនៃពោះរបស់អ្នកជាមួយនឹងដបទឹកក្ដៅ ឬបន្ទះកម្ដៅ
ងូតទឹកក្តៅ
ហាត់ប្រាណ
អនុវត្តវិធីសាស្ត្របន្ធូរអារម្មណ៍ រួមទាំងយូហ្គា និងសមាធិ
សម្រាកឲ្យបានគ្រប់គ្រាន់ និងជៀសវាងការប្រើប្រាស់គ្រឿងស្រវឹង និងថ្នាំជក់ផងដែរ
អ្នកក៏អាចសាកល្បងប្រើថ្នាំបំបាត់ការឈឺចាប់ដោយគ្មានវេជ្ជបញ្ជា (OTC) ដូចជាថ្នាំគីណាល់ ឬពពួកថ្នាំប្រឆាំងនឹងការរលាកដែលមិនមែនជាស្តេរ៉ូអ៊ីត (NSAIDs)។