ដោយសារអ្នកខ្វះទម្ងន់ភាគច្រើនទទួលទានអាហារបានតិច ដូចនេះពួកគាត់ប្រហែលជាមិនបានញ៉ាំអាហារដែលមានសុខភាពល្អ និងសារធាតុចិញ្ចឹមសំខាន់ៗគ្រប់គ្រាន់ដើម្បីផ្តល់ថាមពលដល់រាងកាយរបស់គាត់នោះទេ។ ប្រសិនបើអ្នកមានបញ្ហាកង្វះអាហារូបត្ថម្ភក្នុងរយៈពេលយូរ វាអាចប៉ះពាល់ដល់សុខភាពរបស់អ្នកដូចជាធ្វើឲ្យអ្នកគ្មានកម្លាំង ឧស្សាហ៍ឈឺ សក់ស្តើង ឬជ្រុះ ស្បែកស្ងួត ឬបញ្ហាធ្មេញជាដើម។
 

នៅពេលដែលប្រព័ន្ធការពាររាងការអ្នកចុះខ្សោយ អ្នកងាយនឹងឆ្លងមេរោគពីខាងក្រៅ និងងាយនឹងឈឺជាងមនុស្សទូទៅ។
 

ទម្ងន់ខ្លួនតិចអាចបង្កើនហានិភ័យដែលបណ្ដាលឲ្យ ដង់ស៊ីតេនៃឆ្អឹង(BMD)ទាប និងមានបញ្ហាជំងឺពុកឆ្អឹង។ 
 

ស្ត្រីដែលមានទម្ងន់តិចមានហានិភ័យខ្លាំងក្នុងការកើតជំងឺamenorrhea ដែលជាជំងឺអវត្តមាននៃការមករដូវ និងភាពមិនប្រក្រតីនៃវដ្តរដូវផ្សេងទៀត។ វដ្តរដូវមិនទៀងទាត់ ឬខកខានការមករដូវរ៉ាំរ៉ៃ អាចជាបញ្ហាបណ្តាលឲ្យគ្មានកូន។
 

ភាពយឺតយ៉ាវនៃការអភិវឌ្ឍន៍អាចកើតមានទៅលើកុមារដែលខ្វះទម្ងន់ ជាពិសេសកុមារដែលមានអាយុក្រោម ៣ ឆ្នាំ ដែលជាពេលខួរក្បាលកំពុងអភិវឌ្ឍបានឆាប់រហ័ស។