ជាតិ
«សំបូរ» ដែលគេស្គាល់ថា «ដំរីវត្តភ្នំ» ដ៏ល្បីល្បាញ ស្លាប់ក្នុងអាយុ៦៣ឆ្នាំ ក្រោយចូលនិវត្តន៍បាន៩ឆ្នាំ
សំបូរនាពេលបម្រើសេវាកម្មទេសចរណ៍នៅវត្តភ្នំ និងពេលស្លាប់នៅមណ្ឌលគិរី។ រូបថត EVP និងមន្ទីរទេសចរណ៍មណ្ឌលគិរី
×![]()
ដោយ: រួបរួម
ដំរីញីឈ្មោះ «សំបូរ» ដែលគេស្គាល់ជាទីទូទៅថា «ដំរីវត្តភ្នំ» បានស្លាប់កាលពីថ្ងៃទី១៩ ខែតុលា ក្នុងអាយុ៦៣ឆ្នាំ ពោលគឺ៩ឆ្នាំក្រោយការចូលនិវត្តន៍ពីសេវាកម្មទេសចរណ៍។ បើតាមការបញ្ជាក់របស់គម្រោងជ្រលងសត្វដំរី Elephant Valley Project (EVP) សំបូរបានស្លាប់ ដោយសារតែជំងឺធ្មេញ ហើយបានធ្វើឱ្យសុខភាពចុះទ្រុឌទ្រោមយ៉ាងខ្លាំងនារយៈពេល១ខែចុងក្រោយនេះ។
មុនចាកចេញទៅមណ្ឌលគិរី សំបូរបានរស់នៅជាច្រើនឆ្នាំជាមួយលោក ស៊ីន សន ដែលជាម្ចាស់ ហើយមានទំនាក់ទំនងយ៉ាងជិតស្និទ្ធជាមួយក្រុមគ្រួសារលោក អ៊ីម សុផល ដែលជាហ្មដំរី។ «យើងមានការនឹករលឹកសំបូរយ៉ាងខ្លាំង ជាពិសេសការនឹកស្រណោះចំពោះលោក សុផល ដែលហ្មដំរី ដែលធ្លាប់បានមើលថែរក្សាគេអស់រយៈពេលជាង២០ឆ្នាំ»។ នេះជាការលើកឡើងរបស់គម្រោង EVP ដែលកំពុងរៀបចំពិធីបុណ្យសពសំបូរ។
ក្នុងបទសម្ភាសជាមួយសារព័ត៌មានឌីជីថលថ្មីៗ នាថ្ងៃដែលសំបូរ ចាកចេញទៅមណ្ឌលគិរី កាលពីថ្ងៃទី៣០ ខែវិច្ឆិកា ឆ្នាំ២០១៤ លោក ស៊ិន សន បានអះអាងថា សំបូរបានរស់នៅជាមួយក្រុមគ្រួសារលោកជាង៤០ឆ្នាំមកហើយ គឺចាប់តាំងពីសំបូរមានអាយុ៨ឆ្នាំមក។ ហើយរូបលោកគឺចាត់ទុកសំបូរដូចជាប្អូនស្រីបង្កើតរបស់ខ្លួន។ ចំពោះការសម្រេចចិត្តឲ្យសំបូរទៅរស់នៅមណ្ឌលគីរីនេះ គឺរូបលោកធ្វើទាំងបង្ខំចិត្តដោយសារតែរូបលោក និងគ្រួសារសុទ្ធតែមានជំងឺជាប់ខ្លួន នឹងមិនអាចមើលថែសំបូរបានដូចមុន។
បើតាមការផ្សាយរបស់មន្ទីរព័ត៌មានខេត្តមណ្ឌលគិរី ចាប់តាំងពីឆ្នាំ២០១៤មក សំបូររស់ក្រោមការមើលថែរបស់អង្គការថែរក្សាសត្វដំរីស្រុក(Elliy)ដែលមានទីតាំងនៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី៕
មុនចាកចេញទៅមណ្ឌលគិរី សំបូរបានរស់នៅជាច្រើនឆ្នាំជាមួយលោក ស៊ីន សន ដែលជាម្ចាស់ ហើយមានទំនាក់ទំនងយ៉ាងជិតស្និទ្ធជាមួយក្រុមគ្រួសារលោក អ៊ីម សុផល ដែលជាហ្មដំរី។ «យើងមានការនឹករលឹកសំបូរយ៉ាងខ្លាំង ជាពិសេសការនឹកស្រណោះចំពោះលោក សុផល ដែលហ្មដំរី ដែលធ្លាប់បានមើលថែរក្សាគេអស់រយៈពេលជាង២០ឆ្នាំ»។ នេះជាការលើកឡើងរបស់គម្រោង EVP ដែលកំពុងរៀបចំពិធីបុណ្យសពសំបូរ។
ក្នុងបទសម្ភាសជាមួយសារព័ត៌មានឌីជីថលថ្មីៗ នាថ្ងៃដែលសំបូរ ចាកចេញទៅមណ្ឌលគិរី កាលពីថ្ងៃទី៣០ ខែវិច្ឆិកា ឆ្នាំ២០១៤ លោក ស៊ិន សន បានអះអាងថា សំបូរបានរស់នៅជាមួយក្រុមគ្រួសារលោកជាង៤០ឆ្នាំមកហើយ គឺចាប់តាំងពីសំបូរមានអាយុ៨ឆ្នាំមក។ ហើយរូបលោកគឺចាត់ទុកសំបូរដូចជាប្អូនស្រីបង្កើតរបស់ខ្លួន។ ចំពោះការសម្រេចចិត្តឲ្យសំបូរទៅរស់នៅមណ្ឌលគីរីនេះ គឺរូបលោកធ្វើទាំងបង្ខំចិត្តដោយសារតែរូបលោក និងគ្រួសារសុទ្ធតែមានជំងឺជាប់ខ្លួន នឹងមិនអាចមើលថែសំបូរបានដូចមុន។
បើតាមការផ្សាយរបស់មន្ទីរព័ត៌មានខេត្តមណ្ឌលគិរី ចាប់តាំងពីឆ្នាំ២០១៤មក សំបូររស់ក្រោមការមើលថែរបស់អង្គការថែរក្សាសត្វដំរីស្រុក(Elliy)ដែលមានទីតាំងនៅភូមិពូត្រុំ សង្កាត់រមនា ក្រុងសែនមនោរម្យ ខេត្តមណ្ឌលគិរី៕
© រក្សាសិទ្ធិដោយ thmeythmey.com
