1. ភេសជ្ជៈកំប៉ុង ឬពពួកសូដាមិនមានសារធាតុចិញ្ចឹមទេ ប៉ុន្តែមានកាឡូរី និងជាតិស្ករខ្ពស់។ ការសិក្សាបង្ហាញពី ការទទួលទានសូដាច្រើនអាចបណ្តាលឲ្យមានការធាត់ឬលើសទម្ងន់ក្នុងវ័យកុមារភាព។

2. សូដាទប់ស្កាត់ចំណង់អាហារ ដូច្នេះវាធ្វើឲ្យក្មេងមិនសូវញ៉ាំអាហារបានគ្រប់គ្រាន់ ដែលបណ្ដាលឲ្យមិនសូវទទួលបានកម្រិតវីតាមីន A កាល់ស្យូម ម៉ាញេស្យូម និងសារធាតុចិញ្ចឹមសំខាន់ៗផ្សេងទៀតបានត្រឹមត្រូវតាមការណែនាំនោះទេ។

3. ក្មេងស្រីដែលផឹកភេសជ្ជៈកំប៉ុងច្រើន ងាយនឹងបាក់ឆ្អឹង ព្រោះវាមានផ្ទុកនូវផូស្វ័រ ដែលជាធាតុផ្សំទូទៅនៅក្នុងសូដា ដោយបំផ្លាញជាតិកាល់ស្យូមដែលចាំបាច់សម្រាប់ឆ្អឹង។

4. ជាតិស្ករដែលមានក្នុងភេសជ្ជៈកំប៉ុងមិន​ត្រឹម​តែធ្វើ​ឲ្យ​ប្រហោង​ធ្មេញ​ប៉ុណ្ណោះ​ទេ ជាតិ​អាស៊ីត​ក្នុង​សូដា​ក៏​អាច​ធ្វើ​ឲ្យស្រទាប់​ធ្មេញ​ខូច​ផងដែរ។

5. ភេសជ្ជៈកំប៉ុង ឬពពួកសូដាច្រើនមានផ្ទុកជាតិកាហ្វេអ៊ីន ដែលអាចធ្វើឲ្យអ្នកញៀន។