លោក ឆាយ សុផល មានបទពិសោធន៍ការងារអាជីព ជាអ្នកសារព័ត៌មាន និងជាអ្នកបំពេញការងារទំនាក់ទំនង ចាប់តាំងពីឆ្នាំ១៩៩៤មក។ ជាមួយគ្នានេះ លោកបានធ្វើការងារឱ្យទីភ្នាក់ងារសារព័ត៌មាន Reuters របស់ប្រទេសអង់គ្លេស បានរយពេលជិត ១០ឆ្នាំ ជាជំនួយការផ្នែកទូរទស្សន៍ AP របស់អាម៉េរិក ​និង ជា អ្នកឆ្លើយឆ្លងព័ត៌មានឱ្យវិទ្យុឥណ្ឌូណេស៊ី ជាភាសាអង់គ្លេស និងជានិពន្ធនាយកកាសែត Cambodia News។

 

លោក ឆាយ សុផល បាននិពន្ធ និងបោះផ្សាយនូវស្នាដៃសៀវភៅជាច្រើនផងដែរ។ ក្នុងនោះមាន សៀវភៅ «ហ៊ុន សែន – នយោបាយ និងអំណាចក្នុងប្រវត្តិសាស្ត្រខ្មែរ ជាង៤០ឆ្នាំ» កម្រាស់​ជាង​៧០០​ទំព័រ ដែល​និយាយពីប្រវត្តិ​ជីវិត ការតស៊ូ គ្រួសារ និង​កិច្ចការ​នយោបាយ​ប្រទេស របស់​សម្តេច ហ៊ុន សែន និង​ព្រឹត្តិការណ៍​ផ្សេងៗ​ទៀត។ 

 

ក្រៅពីនេះ​ លោកបាននិពន្ធសៀវភៅ «ប៊ុន រ៉ានី ភរិយាបុរសខ្លាំង», «ខៀវ កាញារីទ្ធ ជីវិតក្នុងសមរភូមិទស្សនៈចម្រុះពណ៌»,​«បងប្អូនប្រុសទាំង៣ – ឈាមថ្មីក្នុងចំណោមអ្នកបន្តវេន» ជាដើម៕