អន្តរជាតិ
វិបត្តិនៅតំបន់មជ្ឈិមបូព៌ាអាចបង្អាក់ការផ្គត់ផ្គង់ប្រេង និងបង្កើនតម្លៃប្រេងឥន្ធនៈ
×![]()
ដោយ: VOA
៥០ឆ្នាំក្រោយការរាំងខ្ទប់ប្រេងដោយពួកប្រទេសអារ៉ាប់កាលពីឆ្នាំ១៩៧៣ វិបត្តិបច្ចុប្បន្ននៅមជ្ឈឹមបូព៌ា អាចបង្អាក់ការផ្គត់ផ្គង់ប្រេងសាកលនិងជំរុញប្រេងឥន្ធនៈឱ្យថ្លៃជាងមុន។ប្រធានទីភ្នាក់ងារថាមពលអន្តរជាតិបាននិយាយថាសង្គ្រាមរវាងអ៊ីស្រាអែលនិងពួកហាម៉ាស់«មិនមែនជាព័ត៌មានល្អទេ»សម្រាប់ផ្សារប្រេងឥន្ធនៈដែលមានផលប៉ះពាល់ស្រេចហើយដោយការកាត់បន្ថយការផលិតប្រេងពីប្រទេសអារ៉ាប៊ីសាអ៊ូឌីតនិងប្រ ទេសរុស្ស៊ីនិងសេចក្តីត្រូវការច្រើនជាងមុនពីប្រទេសចិន។
លោក Fatih Birol នាយកប្រតិបត្តិនៃទីភ្នាក់ងារ IEAមានមូលដ្ឋាននៅក្រុងប៉ារីស៍បាននិយាយប្រាប់ទីភ្នាក់ងារសារព័ត៌មាន The Associated Press ថាផ្សារប្រេងនឹងនៅតែមិននឹងន ហើយជម្លោះនេះអាចជំរុញតម្លៃប្រេងឱ្យខ្ពស់ជាងមុន«ដែលជាព័ត៌មានអាក្រក់សម្រាប់អតិផរណា»។
លោកបានថ្លែងថាពួកប្រទេសកំពុងអភិវឌ្ឍដែលដឹកជញ្ជូនប្រេងនិងប្រេងឥន្ធនៈឯ ទៀតៗចូលក្នុងប្រទេសនឹងមានផលប៉ះពាល់ច្រើនបំផុតដោយសារកំណើនតម្លៃ។
ប្រេងឆៅប្រភេទ Brent មានតម្លៃលើស៩១ដុល្លារក្នុងមួយបារ៉ែលកាលពីថ្ងៃព្រហស្បតិ៍ទី១៩តុលា ដោយឡើងថ្លៃពី៨៥ដុល្លារក្នុងមួយបារ៉ែលកាលពីថ្ងៃទី៦តុលាគឺមួយថ្ងៃមុនពួកហាម៉ាស់វាយប្រហារអ៊ីស្រាអែល បណ្តាលឱ្យជនស៊ីវីលរាប់រយនាក់ស្លាប់។
អ៊ីស្រាអែលបានធ្វើការវាយប្រហារតាមអាកាសជាបន្ទាន់លើតំបន់ Gaza ដោយបាន បំផ្លាញសង្កាត់ទាំងមូលនិងសម្លាប់ជនស៊ីវីលប៉ាឡេស្ទីនរាប់រយនាក់នៅថ្ងៃបន្ទាប់ៗ មកទៀត។
ការឡើងចុះតម្លៃចាប់តាំងពីការវាយប្រហារនោះមកបានជំរុញតម្លៃប្រេងឱ្យឡើងខ្ពស់ដល់៩៦ដុល្លារក្នុងមួយធុង។
តម្លៃប្រេងអាស្រ័យលើមានការប្រើប្រេងច្រើនប៉ុណ្ណានិងមានប្រេងប៉ុន្មាន។
ការមានប្រេងប៉ុណ្ណាកំពុងរងការគំរាមកំហែងដោយសារសង្គ្រាមរវាងពួកហាម៉ាស់និងអ៊ីស្រាអែល ទោះជាតំបន់ Gaza គ្មានផលិតកម្មប្រេងឆៅច្រើនក៏ដោយ។
មានការបារម្ភមួយថាការប្រយុទ្ធគ្នាអាចនាំឱ្យមានភាពសាំញ៉ាំជាមួយប្រទេសអ៊ីរ៉ង់ ដែលជាកន្លែងមួយក្នុងចំណោមកន្លែងនានាដែលមានប្រេងច្រើនក្នុងពិភពលោក។
ការផលិតប្រេងឆៅដោយប្រទេសអ៊ីរ៉ង់មានការរឹតត្បិតដោយការដាក់ទណ្ឌកម្មអន្តរ ជាតិកាលពីប៉ុន្មានឆ្នាំថ្មីៗនេះ តែនៅតែមានការដឹកជញ្ជូនប្រេងពីប្រទេសអ៊ីរ៉ង់ទៅប្រទេសចិននិងប្រទេសឯទៀតៗដែរ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
