ជាតិ
វីដេអូ
វិមានរំឭកដល់អ្នកស្លាប់ក្នុងសង្គ្រាមលោកលើកទី១ ត្រូវបានសង់ឡើងវិញ នាខួប៧០ឆ្នាំនៃចំណងការទូតកម្ពុជា-បារាំង
× ភ្នំពេញ៖ វិមានរំឭកដល់អ្នកដែលទទួលអនិច្ចកម្មក្នុងសង្គ្រាមលោកលើកទី១ ចន្លោះឆ្នាំ១៩៧៥-១៩៧៧ ឬហៅវិមានរូបពីរ ត្រូវបានសាងសង់ឡើងវិញ ក្នុងឱកាសខួប៧០ឆ្នាំ ដែលកម្ពុជាទទួលបានឯករាជ្យជាតិពីបារាំង និងទំនាក់ទំនងការទូត រវាងកម្ពុជា និងបារាំង។ វាត្រូវបាន ដាក់សម្ពោធ កាលពីខែកក្កដា ឆ្នាំ២០២៣។ វិមាននេះ សាងសង់ឡើង ដើម្បីឧទ្ទិសដល់វិញ្ញាណក្ខន្ធពលរដ្ឋកម្ពុជា១៥១នាក់ និងជនជាតិបារាំងនៅកម្ពុជាចំនួន៣៣នាក់ ដែលបានពលីក្នុងអំឡុងសង្គ្រាមពិភពលោកលើកទី១។ វាត្រូវបានសម្ពោធជាលើកដំបូងនាឆ្នាំ១៩២៥ ប៉ុន្តែខ្មែរក្រហមបានបំផ្លាញវាចោល នៅពេលឡើងកាន់អំណាច។
ដើម្បីជ្រាបលម្អិត សូមអញ្ជើញលោកអ្នកនាងទស្សនាវីដេអូខាងក្រោមនេះ៖
វិមាននេះ មានគ្រឹះរាងឆកោន៣ជាន់ ធ្វើពីថ្មក្រានីត។ វាមានបណ្ដោយផ្ទាល់ដីជាង ១៤ម៉ែត្រ ហើយកម្ពស់ជិត ១៣ម៉ែតក្រ។ រីឯរូបសំណាកខាងលើវិញ វាធ្វើអំពីសំរឹទ្ធ។ រូបពីរគឺជាទាហាន២រូប : ខ្មែរ១រូប និងបារាំង១រូប។
ប្លង់វិមានអាយុកាលជិត១០០ឆ្នាំនេះ ត្រូវបានគូរតាមគំរូវិមានរូបពីរមួយទៀត ដែលស្ថិតនៅប្រទេសសេណេហ្កាល់ សាងសង់ឆ្នាំ១៩២៣។ ក៏ប៉ុន្តែដើម្បីរក្សានូវរចនាបថអាស៊ី វាមានរូបរាងដូចចេតិយម្យ៉ាង។ ជ្រុងទាំង៤ មានក្បាលសត្វដំរីមួយ។ សំខាន់មានផ្លាកឆ្លាក់អក្សរឈ្មោះប្រជាជនខ្មែរ និងជនជាតិបារាំងដែលបានទទួលមរណភាពក្នុងសង្គ្រាមដែរ។
លោក DUCUING Paul បានគូរប្លង់វិមានរូបពីរដើម។ ត្រូវបានសម្ពោធវាថ្ងៃទី១ ខែមីនា ឆ្នាំ១៩២៥ ដោយព្រះបាទសម្តេចព្រះ ស៊ីសុវត្ថិ។ ក្រោយរបបខ្មែរក្រហម សំណល់ក្បាលដំរីពីរ នៃវិមាននេះ ត្រូវបានរសក្សាទុកនៅសារមន្ទីរជាតិ។
ស្ដូបអនុស្សាវរីយ៍សង្គ្រាមលោកលើកទី១ មានទីតាំងនៅសួនស្តាតចាស់ ទល់មុខស្ថានទូតសាធារណរដ្ឋបារាំង និងស្ថិតខាងត្បូងរង្វង់មូលកាំភ្លើងកួចកាណុង សង្កាត់ស្រះចក ខណ្ឌដូនពេញ រាជធានីភ្នំពេញ៕
© រក្សាសិទ្ធិដោយ thmeythmey.com