ការប្រកួតទី១ សេន វ៉ារី បានចាញ់ កីឡាករ Ukun Runkaendi របស់ឥណ្ឌូណេស៊ី ២សិត ទល់ ០ (២១-១០, ២១-៥) នៅថ្ងៃទី២០ ខែតុលា ឆ្នាំ២០២៣។ ចំណែកការប្រកួតទី២ នៅថ្ងៃទី២១ ខែតុលា សេន វ៉ារី ចាញ់ កីឡាករថៃ Mongkhong Bunsun លទ្ធផល ២សិត ទល់ ០ (២១-៤, ២១-៣)។ លុះចូលដល់ថ្ងៃទី២៣ ខែតុលា កីឡាករកម្ពុជារូបនេះ បានយកឈ្នះ លើកីឡាករម៉ុងហ្គោលី Munkhzul Munkhbayar ក្នុងលទ្ធផល ២សិត ទល់ ០ (២១-៥, ២១-២)។
 

គួរបញ្ជាក់ថា ការប្រកួតកីឡាវាយសី វិញ្ញាសា SL3 ឯកត្ដជនបុរស មាន ២០អត្ដពលិក មកពី២០ប្រទេសផ្សេងគ្នា ដោយចែកចេញជា ៦ពូល។ ដោយឡែកម្ពុជា កីឡាករ សេន វ៉ារី ស្ថិតក្នុងពូល E ជាមួយកីឡាករ មកពីថៃ, ម៉ុងហ្គោលី និងឥណ្ឌូណេស៊ី។ ក្នុងវគ្គចែកពូលនេះ កីឡាករ ចំណាត់ថ្នាក់លេខ១ និង លេខ២ ប្រចាំពូលនីមួយៗ នឹងឡើងទៅវគ្គបន្ទាប់៕