ក្នុងសេចក្តីណែនាំដដែល លោក ហង់ ជួន ណារ៉ុន រដ្ឋមន្ត្រីក្រសួងអប់រំ ក៏បានប្រាប់​ឱ្យ​គណៈ​​គ្រប់គ្រងគ្រឹះស្ថានសិក្សាទាំងអស់​ ត្រូវណែនាំ​ជាប្រចាំអំពីវិន័យ និងបទបញ្ជា​ផ្ទៃក្នុង​របស់​សា​លា​ដល់សិស្ស​ ពាក់ព័ន្ធនឹងការប្រើ​ទូរសព្ទដៃ និងឧបករណ៍​អេឡិច​ត្រូ​និក ចៀសវាងការប្រើប្រាស់ខុសគោល​ដៅ ហើយនាំឱ្យខាត ឬរំខានដល់ការសិក្សា។  ទន្ទឹមនឹងនេះ ក្រសួងលើកទឹកចិត្តឱ្យ ឱ្យមានការបង្កើត និងអនុវត្តន៍​ការ​អប់រំ ក្រៅ​ម៉ោងសិក្សា ដូចជាក្លិបសិក្សាតាមកម្រិតថ្នាក់ និងតាមុខវិជ្ជា ដើម្បីពង្រឹងប្រសិទ្ធភាពនៃការសិក្សារបស់សិស្សផងដែរ។ 

 

ក្រសួងអប់រំ ក៏បានទទូចឱ្យមាតាបិតា និងអាណាព្យាបាល ត្រូវចូលរួម តាមដានការប្រើ​ប្រាស់ទូរសព្ទរបស់កូនចៅ​ផងដែរ ដើម្បីជំរុញប្រសិទ្ធភាពនៃការប្រើប្រាស់ទូរសព្ទដៃនោះ​​ឱ្យស្របតាមគោលបំណងនៃការអប់រំ ។ ជាមួយគ្នានេះ មន្ទីរអប់រំ យុវជន និង​កីឡារាជធានីខេត្ត ការិយាល័យអប់រំ និងអាជ្ញាធរពាក់ព័ន្ធ ត្រូវ​បានណែនាំឱ្យមានកិច្ចសហ​ការ និងគាំទ្រដល់សាលារៀន ក្នុងការពង្រឹងវិន័យ និងការអនុវត្ត​បទបញ្ជាផ្ទៃក្នុងឱ្យ​មត់ចត់​៕

 

 

​​