ពិធីនេះបានធ្វើឡើងក្រោមវត្តមានលោក កែវ សុខា អគ្គនាយក គ្រឹះស្ថានមីក្រូហិរញ្ញវត្ថុ ប៊ែមប៊ូ ហ្វាយនែន ភីអិលស៊ី ព្រមទាំងបុគ្គលិកទាំងអស់របស់គ្រឹះស្ថាន និងមានការចូលរួមពីសំណាក់ ព្រះសង្ឃ តាអាចារ្យ ដូនជី មន្ត្រីរាជការ កងកម្លាំង និងប្រជាពលរដ្ឋមួយចំនួនផងដែរ ។

 

ឱកាសនោះដែរ អគ្គនាយក នៃគ្រឹះស្ថាន បានដឹកនាំបុគ្គលិក គ្រប់ជាន់ថ្នាក់របស់គ្រឹះស្ថានជាង៦០នាក់ ដាំកូនឈើ ដើម្បីការពារព្រៃឈើ និងធនធានធម្មជាតិ ព្រមទាំងប្រគេនអំពូលសូឡាចំនួន ១០ដើម ប្រគេនដល់វត្តដែលពុំមានភ្លើងអគ្គីសនីប្រើបាស់ ដែលគិតជាទឹកប្រាក់មានចំនួន ៦,៤៧២,០០០ (ប្រាំមួយលាន បួនសែន ប្រាំពីរម៉ឺន ពីរពាន់រៀល)  និងបានប្រគេនទេយ្យទានមួយចំនួនដល់ព្រះសង្ឃដែលគង់នៅទីអារាម ហើយក៍បានចែកជូន អំណោយជាថវិកាជូនដល់តាអាចារ្យ ដូនជី កងកម្លាំង និងប្រជាពលរដ្ឋមួយចំនួនផងដែរ។ 

 

ជាមួយគ្នានេះដែរ គ្រឹះស្ថានមីក្រូហិរញ្ញវត្ថុប៊ែមប៊ូ ហ្វាយនែន ភីអិលស៊ី មិនគ្រាន់តែជាស្ថាប័ន ដែលរកប្រាក់ចំណូល ដែលបានផ្តល់ការងារជាង ២០០កន្លែង សម្រាប់និយោជិត និងបានរួមចំណែកយ៉ាងសកម្មក្នុងការរួមចំណែកលើកស្ទួយសេដ្ឋកិច្ចប៉ុណ្ណោះទេ គ្រឹះស្ថានតែងតែ គិតគូដល់បញ្ហាសង្គម និងតែងតែចូលរួមចំណែកជួយដល់ការខ្វះខាត ឬតម្រូវការនានារបស់សង្គមជាតិ ជាក់ស្តែងជារៀងរាល់ឆ្នាំផងដែរ។ 

 

គ្រឺះស្ថានតែងតែងធ្វើការបរិច្ចាគឈាមជូនដល់មជ្ឈមណ្ឌលជាតិផ្តល់ឈាម ដើម្បីជួយសង្គ្រោះដល់អាយុជីវិតកុមារ និងអ្នកជំងឺដែលត្រូវការឈាមជាចាំបាច់ ។