បើតាមសេចក្ដីជូនដំណឹង របស់អាជ្ញាធរជាតិអប្សរា ការផ្លាស់ប្ដូរច្រកចូលប្រាសាទអង្គរវត្តនេះ គឺត្រឹមមួយថ្ងៃប៉ុណ្ណោះ។ ពោលគឺផ្អាក ការចូលទស្សនាប្រាសាទអង្គរវត្ត តាមច្រកខាងលិច ចាប់ពីព្រឹកព្រលឹម រហូតដល់ព្រះរាជពិធីប៉ុណ្ណោះ។ 

 ផែនទីពីការចូលទស្សនាប្រាសាទអង្គរវត្តពីទិសខាងកើត នៅថ្ងៃទី០៤ ខែវិច្ឆិកា ឆ្នាំ២០២៣។ រូបភាពអាជ្ញាធរជាតិអប្សរា។ 

គួរជម្រាបផងដែរថា «ស្ពានហាលខាលិចប្រាសាទអង្គរវត្ត» នឹងដាក់ប្រើប្រាស់ជាផ្លូវការ ក្រោយចំណាយពេលជួសជុលអស់ជាង៧ឆ្នាំមក ក្រោមកិច្ចសហការរវាងអាជ្ញាធរជាតិអប្សរា និងសាកលវិទ្យាល័យសូហ្វីយ៉ា ប្រទេសជប៉ុន។ ស្ពានហាលនេះ មានប្រវែង១៩០ម៉ែត្រ, ទទឹងជាង១១ម៉ែត្រ និងកម្ពស់ជាង៤ម៉ែត្រ ដោយសាងសង់ឡើង ពីថ្មបាយក្រៀម ក្រាលដោយកម្រាលថ្មភក់ និងលម្អដោយបង្កាន់ដៃនាគទាំងសងខាង៕