ជាតិ
«ជណ្ដើរត្រី» តម្លៃជិត១០ម៉ឺនដុល្លារ នៅស្រុកក្រឡាញ់ ត្រូវបានដាក់ឱ្យប្រើប្រាស់ «ជណ្ដើរត្រី» មើលពីលើអាកាស ស្ថិតក្នុងភូមិស្លែង ស្រុកក្រឡាញ់ ខេត្តសៀមរាប។ រូបភាព BTV។
× សៀមរាប៖ «ជណ្ដើរត្រី» តម្លៃជិត១០ម៉ឺនដុល្លារ ក្រោមជំនួយហិរញ្ញវត្ថុរបស់រដ្ឋាភិបាលអូស្ត្រាលី ដែលមានទីតាំងនៅភូមិស្លែង ស្រុកក្រឡាញ់ ខេត្តសៀមរាប ត្រូវបានដាក់ឱ្យប្រើប្រាស់ជាផ្លូវការ ដើម្បីជួយដល់ការផ្លាស់ទីរបស់ត្រី។ «ជណ្ដើរត្រី» ជាសំណង់ផ្លូវត្រីមួយ ដែលអាចឱ្យត្រីហែលឆ្លងកាត់ទៅផ្នែកខាងលើនៃទំនប់ ហើយត្រីអាចផ្លាស់ទីដោយសេរី និងការហែលទៅរកកន្លែងពងកូន។ ហេដ្ឋារចនាសម្ព័ន្ធមួយនេះ ជួយកាត់បន្ថយផលប៉ះពាល់បណ្ដាលមកពីការអភិវឌ្ឍប្រព័ន្ធធារាសាស្ត្រ ទៅលើការផ្លាស់ទីរបស់ត្រី។
«ជណ្ដើរត្រី» ត្រូវបានស្ថាបនាឡើង ក្នុងឆ្នាំ២០២២-២០២៣ ក្រោមកិច្ចសហប្រតិបត្តិការបន្តរបស់ ACIAR និង DFAT ព្រមទាំងសាកលវិទ្យាល័យ Charles Sturt ។ តំណាងរដ្ឋាភិបាលអូស្ត្រាលី ក្រសួងកសិកម្ម រដ្ឋបាលជលផល អាជ្ញាធរមូលដ្ឋាន និងពលរដ្ឋ បានបើកសម្ពោធជាផ្លូវការ សំណង់នេះនៅថ្ងៃទី១ ខែវិច្ឆិកា ឆ្នាំ២០២៣។
តទៅនេះសូមលោកអ្នកនាងទស្សនាវីដេអូដូចតទៅ៖
© រក្សាសិទ្ធិដោយ thmeythmey.com