កីឡាករ Dave Leduc ស្មើ កីឡាករកម្ពុជា ព្រំ សំណាង ក្នុងការប្រកួតកីឡាប្រដាល់គុនខ្មែរ ព្រឹត្តិការណ៍ សេនាគុនខ្មែរពិភពលោកនៅយប់ថ្ងៃទី៥ ខែវិច្ឆិកា។ ក្រោយបញ្ចប់ការប្រកួត ដែលប្រើលក្ខខណ្ឌ មួយទឹក ៩នាទី (Masfight) បានបញ្ចប់នៅម៉ោងជិត១២យប់ កីឡាករប្រដាល់មីយ៉ាន់ម៉ា ដើមកំណើតកាណាដា បានឡើងឧទ្ធម្ភាគចក្រពីភ្នំពេញទៅកាន់ខេត្តសៀមរាបនៅព្រឹកថ្ងៃទី៦ ខែវិច្ឆិកាតែម្តង។ 
 

នៅពេលចូលទៅដល់ប្រាសាទអង្គរវត្ត នៅរសៀថ្ងៃដដែល Dave Leduc បានដោះស្បែកជើង ដើរទស្សនាប្រាសាទ។ រូបមួយសន្លឹកបង្ហាញពីការដោះស្បែកជើងរបស់ Leduc ដែលបានផ្សាយលើផេកហ្វេសប៊ុកផ្លូវការរបស់សារព័ត៌មានឌីជីថលថ្មីៗ (ThmeyThmey) ទទួលបានការចុចចូលចិត្ត (Like) និងចែករំលែក (share) ច្រើនលើសលុប។