លោក គឹម សន្តិភាព រដ្ឋលេខាធិការក្រសួងយុត្តិធម៌ បានប្រាប់សារព័ត៌មានថ្មីៗតាមប្រព័ន្ធតេឡេក្រាម ថា ក្នុងចំណោមទណ្ឌិត៩០២នាក់ មាន៦០ភាគរយ ត្រូវបានគណៈកម្មការសម្រេចជ្រើសរើសយក ឱ្យសម្តេច ហ៊ុន ម៉ាណែត នាយករដ្ឋមន្ត្រី ពិនិត្យបន្ត។ 

 

ក្រោយពីសម្ដេច ហ៊ុន ម៉ាណែត ពិនិត្យរួច បញ្ជីឈ្មោះទាំងនោះ នឹងទូលថ្វាយទៅព្រះមហាក្សត្រ ដើម្បីស្នើសុំព្រះរាជទានផ្តល់ការអនុគ្រោះទោសដល់ទណ្ឌិត នៅក្នុងឱកាសនៃពិធីបុណ្យឯករាជ្យជាតិ៩ វិច្ឆិកា និងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នាពេលខាងមុខនេះ។ 

 

ទន្ទឹមនឹងនេះ គណៈកម្មការជាតិ ក៏មិនពិនិត្យពិចារណាទេ ចំពោះទណ្ឌិត ដែលបានប្រព្រឹត្តអំពើ ឧក្រិដ្ឋជនគ្រឿងញៀន, អំពើសាហាវយង់ឃ្នង, ករណីមិនរាងចាល, ទណ្ឌិតធ្លាប់ទទួលបានការបន្ធូរបន្ថយទោសម្តងរួចមកហើយ និងករណីរំលោភជាដើម៕