រំលួស? រម្លួស? រំលោះ? រម្លោះ? ពាក្យទាំងនេះ មិន​មាន​នៅ​ក្នុង​វចនានុក្រមខ្មែរសម្តេចព្រះសង្ឃរាជជួន ណាត ក៏ដូចជា​វចនានុក្រម​ខ្មែរ​២០២២របស់ក្រុម​ប្រឹក្សាជាតិភាសាខ្មែរ ឡើយ។ ពាក្យ​ដែល​ត្រឹម​ត្រូវនោះ គឺ «រំលស់» និង​ «រម្លស់» ដែលមានន័យថា ធ្វើ​ឱ្យ​រលស់។ ទិញផ្ទះ, ទិញដី ដោយ​បង់រំលស់។

 

«រំលស់» ឬ «រម្លស់» ជាកិរិយាសព្ទ មានន័យថា ធ្វើឱ្យរលស់, ឱ្យថយចំនួន :  រម្លស់ទ្រព្យ, រំលស់ទុក្ខ។  

រីឯ «រលស់» វិញ គឺ ថយចំនួនតិចចុះ, នៅមានតិចជាងចំនួនដើម :  ប្រាក់រលស់ពីក្នុងថង់, មនុស្សចេញរលស់ពីទីប្រជុំ៕