សម្ដេច ហ៊ុន ម៉ាណែត បានប្រាប់ឱ្យលោក សាយ សំអាល រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ សិក្សាពីការរៀបចំតំបន់ទាំងនេះ។ ប្រមុខរដ្ឋាភិបាល បានបញ្ជាក់ថា ការរៀបចំតំបន់នេះ ដើម្បីផ្ដល់ភាពងាយស្រួលដល់ការរស់នៅរបស់ប្រជាពលរដ្ឋថែមទៀត។
 

ក្នុងន័យនេះ សម្ដេច ហ៊ុន ម៉ាណែត បានពន្យល់ថា បើសិនជារៀបចំទីតាំងមួយជាតំបន់រស់នៅ ដូច្នេះទីកន្លែងនោះ មិនអនុញ្ញាតឱ្យមានការបើកកន្លែងកម្សាន្ត ផឹកស៊ី ដែលបង្កការរំខានដល់ពលរដ្ឋរស់នៅឡើយ ។ 
 

បើតាមសម្ដេច ការរៀបចំតំបន់ទាំងនេះ គឺគោលដៅនៅតំបន់អភិវឌ្ឍន៍ ដែលទើបបង្កើតថ្មី។ «បើកន្លែងនឹងទុកជាកន្លែងផ្ទះរស់នៅរបស់ប្រជាពលរដ្ឋ សូមកុំឱ្យមានការបើកអាជីវកម្ម ប៉ះពាល់បង្កការរំខាន(ការរស់នៅ)។ នេះបើតាមសម្ដេច ហ៊ុន ម៉ាណែត ដែលសង្កត់ធ្ងន់ការរៀបចំនេះ គឺនៅតំបន់រណបក្រុង។
 

ចំណែកតំបន់អាជីវកម្ម គឺជាកន្លែងសម្រាប់ការវិនិយោគ និងរកស៊ីតែម្ដង។ សម្រាប់តំបន់កម្សាន្តភោជនីយដ្ឋាន ក្លិបកម្សាន្ត KTV ជាដើមនោះ ត្រូវរៀបចំទុកម្ដុំ ជាមួយគ្នា។ សម្ដេច ហ៊ុន ម៉ាណែត បន្ថែម។