នាជំនួបបើឆាក នៅកីឡដ្ឋាន ហនុមាន ខេត្តសៀមរាប រសៀលថ្ងៃទី១៧ ខែវិច្ឆិកា Siem Reap United FC បានយកឈ្នះ វិសាខា អេវស៊ី ក្នុងលទ្ធផល ២-០។ ទាំងពីរគ្រាប់របស់ក្រុមម្ចាស់ផ្ទះសម្រេចបានដោយកីឡារកពាក់ស្លាកលេខ៧ សាត ឡុង។
 

ដោយឡែក ក្រុមបាល់ទាត់យុវជនពីប្រទេសថៃ Chonburi FC បានយកឈ្នះក្រុមសិង្ហបុរី Lion City Sailor FC ក្នុងលទ្ធផល ២-០ ដូចគ្នា។
  

ឆ្លងកាត់ការប្រកួតដំបូងនេះ Chonburi FC ឈរកំពូលតារាងបណ្តោះអាសន្ន មាន៣ពិន្ទុ ស្មើក្រុមលេខ២ Siem Reap United FC​ ហើយ Lion City Sailor FC និង វិសាខា អេវស៊ី ឈរលេខរៀងបន្តបន្ទាប់។
 

ពានរង្វាន់ជើងឯកយុវជនអន្តរជាតិ U14 Xo Siem Reap International Youth Cup ឆ្នាំ ២០២៣​ មាន៤ក្រុមចូលរួម រួមមានសៀមរាប យូណាយធីត, វិសាខា អេវស៊ី, Chonburi FC និង Lion City Sailor FC ដែលធ្វើឡើងពីថ្ងៃទី១៧ ដល់១៩ ខែវិច្ឆកា នៅកីឡដ្ឋាន ហនុមាន ខេត្តសៀមរាប។
  

ទាំង៤ក្រុមនេះ នឹងជួបគ្នាវិលជុំសរុបទាំងអស់៦ប្រកួត ដោយក្រុមដែលមានពិន្ទុខ្ពស់ជាងគេពីការប្រកួត៣លើករៀងខ្លួន នឹងក្លាយជាម្ចាស់ជើងឯកពានយុវជនអាយុក្រោម១៤ឆ្នាំនេះតែម្តង។
 

ការប្រកួតលើកទី២ នឹងធ្វើនៅរសៀលថ្ងៃទី១៨ ខែវិច្ឆិកា នេះ ដោយ Chonburi FC ជួប Visakha FC (ម៉ោង ២រសៀល) មុនពេល Siem Reap United FC ស្វាគមន៍ Lion City Sailor FC (ម៉ោង ៤ និង១៥នាទីល្ងាច)៕