ជាតិ
ព័ត៍មានសុខភាព
សុខភាព
×![]()
ដោយ: សារព័ត៌មានថ្មីៗ
វាមិនប្រាកដនោះទេដែលថាតើការប្រើវីតាមីនអាចបន្ថយហានិភ័យនៃការវិវត្តទៅជាជំងឺបេះដូង ឬមានការគាំងបេះដូងនោះ។ ទោះជាយ៉ាងណាក៏ដោយ, មិនមានបញ្ហាថាតើប្រភេទនៃវីតាមីនអ្វីដែលអ្នកប្រើប្រាស់នោះទេ, វីតាមីននឹងមិនការពារការវិវត្តទៅជំងឺបេះដូងប្រសិនបើអ្នកមិនពិនិត្យមើលកត្តាហានិភ័យដទៃទៀតដូចជា កង្វះចំណីអាហារ, កង្វះការធ្វើលំហាត់ប្រាណ, ជក់បារី, កម្រិតកូឡេស្តេរ៉ុលខ្ពស់ និងជំងឺទឹកនោមផ្អែម។
អ្នកស្រាវជ្រាវមួយចំនួនបានគិតថា វីតាមីនមួយចំនួនដូចជា វីតាមីន C និងវីតាមីន E, អាចបន្ថយហានិភ័យនៃជំងឺបេះដូងបាន ។ វីតាមីនទាំងនោះអាចជួយការពារកម្រិតកូឡេស្តេរ៉ុលអាក្រក់ LDL ពីការកកើតទៅជាដុំដែលអាចធ្វើអោយសរសៃឈាមអារទែបេះដូងរួមតូច។ សម្មតិកម្មនៃអត្ថប្រយោជន៍ទាំងនោះគឺមានកម្រិត, ហើយសមាគមន៍បេះដូងអាមេរិកមិនបានណែនាំអោយប្រើថ្នាំគ្រាប់វីតាមីន C និងវីតាមីន E ជាមធ្យោបាយដើម្បីការពារជំងឺបេះដូងនោះទេ។
វីតាមីនដទៃទៀតដែលអាចផ្តល់ភាពប្រសើរឡើងដល់សុខភាពបេះដូងគឺវីតាមីន D ។ វាភស្តុតាងមួយចំនួនបង្ហាញថា វីតាមីន D ផ្តល់ភាពប្រសើរឡើងនៃសុខភាពនៃសរសៃឈាម ប៉ុន្តែមិនទាន់មានការសន្និដ្ឋានរួមនៅឡើយ។ សូមពិគ្រោះជាមួយនឹងគ្រូពេទ្យប្រសិនបើអ្នកព្រួយបារម្ភអំពីកម្រិតនៃវីតាមីន D របស់អ្នក។
វីតាមីនអាចជាជម្រើសមួយសម្រាប់មនុស្សមួយចំនួន, ជាពិសេសប្រសិនបើអ្នកមិនទទួលបានសារធាតុចិញ្ចឹមបានគ្រប់គ្រាន់ពីចំណីអាហាររបស់អ្នក។ ទោះជាយ៉ាងណាក៏ដោយ, អ្នកដែលមានសុខភាពល្អមិនត្រូវការថ្នាំគ្រាប់វីតាមីននោះទេពីព្រោះពួកគេទទួលបានសារធាតុចិញ្ចឹមដែលពួកគេត្រូវការពីចំណីអាហារ។ ប្រសិនបើអ្នកព្រួយបារម្ភអំពីសារធាតុចិញ្ចឹម និងចំណីអាហាររបស់អ្នក, សូមពិគ្រោះជាមួយនឹងគ្រូពេទ្យអំពីថាតើការប្រើប្រាស់ថ្នាំគ្រាប់ជាប្រចាំអាចជាជម្រើសល្អសម្រាប់អ្នកឬយ៉ាងណា៕
ត្រួតពិនិត្យដោយ៖ www.health.com.kh
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
6 ថ្ងៃ
