តាមការវាយតម្លៃរបស់ក្រុមអ្នកជំនាញជប៉ុន កម្ពុជាមានសមត្ថកិច្ចភាពផលិតថាមពលអគ្គិសនី ប្រមាណ២ម៉ឺនមេហ្កាវ៉ាត់។ ប៉ុន្តែ ដោយសារមិនចង់ឱ្យមានផលប៉ះពាលធ្ងន់ធ្ងរពីការទប់ទំនប់វារីអគ្គិសនី ទើបមកដល់សព្វថ្ងៃ កម្ពុជាបន្តទិញប្រភពថាមពលអគ្គិសនីស្អាតពីឡាវ ប្រមាណ៣០ភាគរយ។ រដ្ឋមន្ត្រីក្រសួងរ៉ែ និងថាមពលលើឡើងបែបនេះ។

 

លោក កែវ រតនៈ បន្តទៀតថា ក្នុងឆ្នាំ២០២៣នេះ កម្ពុជាទិញថាមពលអគ្គិសនីពីវៀតណាម ត្រឹមតែ១ភាគរយប៉ុណ្ណោះ ។ កម្ពុជា មិនមានការបន្តទិញថាមពលអគ្គិសនី ពីថៃទៀតឡើយ។ 

 

ជាគោលដៅទៅថ្ងៃមុខ លោក កែវ រតនៈ អះអាងថា កម្ពុជានៅតែបន្តពង្រឹងការផលិតថាមពលអគ្គសនីនៅក្នុងស្រុកឱ្យអស់លទ្ធភាព ដោយមានតុល្យភាព និងការអភិរក្សធនធានធម្មជាតិ។ ជាមួយគ្នាដែរ កម្ពុជានៅតែទិញថាមពលអគ្គិសនីស្អាតពីប្រទេសជិតខាងបន្តិចបន្តួច ដើម្បីបំពេញផលប្រយោជន៍យុទ្ធសាស្រ្ត ប្រើប្រាស់ថាមពលអគ្គិសនីស្អាត សម្រាប់ទាក់ទាញការវិនិយោគ៕