ហេតុអ្វីអាចសម្រេចបាននិទ្ទេស A ទាំងអស់គ្នា? យុវជន កែវ ផ្លីនា បានឆ្លើយតបទាំងអារម្មណ៍ត្រេកអរ លាយឡំជាមួយភាពក្រមិចក្រមើមផងថា «ខិតខំរៀន! រៀនពីដើមឆ្នាំ ដល់ចុងឆ្នាំ» ។ កែវ ផ្លីនា ក៏បានឆ្លៀតរំឭកគុណ ដល់លោកគ្រូរបស់ខ្លួន ជាពិសេសមុខវិជ្ជាគណិតវិទ្យា។ ជាមួយគ្នានេះ ផ្លីនា ក៏បានអរគុណដល់ កៅ ប៊ូលីហេង ដែលជាមិត្តភក្តិជិតស្និទរបស់ខ្លួនផងដែរ។

 

 

ក្រៅពីនេះ ការប្រឡងប្រកួតប្រជែងក្នុងថ្នាក់ ដើម្បីបានចំណាត់ថ្នាក់ល្អនោះ ក៏ជាចំណុចមួយ ដែលជួយឱ្យពួកគេទាំង៦រូប ខិតខំរៀនសូត្ររហូតបាននិទ្ទេស A នេះដែរ។ ថ្លែងប្រាប់សារព័ត៌មានថ្មីៗ នាថ្ងៃប្រកាសលទ្ធផលប្រឡង នៅវិទ្យាល័យបាក់ទូក នារសៀលថ្ងៃទី២៣ វិច្ឆិកានេះ យុវតី ជំនិត សុធាវី បាននិយាយដូច្នេះថា៖«រៀនគួរ រៀននៅក្រៅជាមួយគ្នា មួយទៀតឃើញមិត្តភក្តិរៀនជាមួយគ្នា (ពូកែ) ក៏ជំរុញចិត្តខ្ញុំ»។

«គាត់ឃើញខ្ញុំរៀន ពួកគាត់ខំរៀនដែរ»។ យុវជន កៅ ប៊ូលីហេង ដែលត្រូវបានមិត្តភក្តិចាត់ទុកជាគ្រូបង្រៀនទី២របស់ខ្លួននេះ បានថ្លែងប្រាប់សារព័ត៌មានថ្មីៗដូច្នេះ។ កៅ ប៊ូលីហេង បន្ថែមថា ខ្លួនតែងតែបង្រៀន និងពន្យល់មិត្តភក្តិ នូវចំណុចណា ដែលពួកគេមិនចេះ ឬមិនយល់។


  

អ្នក​ប្រឡង​ជាប់សញ្ញាបត្រមធ្យមសិក្សាទុតិយភូមិ (បាក់ឌុប) ឆ្នាំ​២០២៣ នេះ មាន​ ៩៨ ៤៦០នាក់ ដែលស្មើ ៧២,៨៩ភាគរយ ក្នុងចំណោម​បេក្ខជន​សរុប។ សិស្ស​ដែល​ទទួលបាននិទ្ទេស A មាន​១៦៧៣នាក់ និទ្ទេស B មាន ៦៩៦៤នាក់ និទ្ទេស C មាន​១៨ ៣០៨នាក់ និទ្ទេស D មាន៣៤ ២៤៦នាក់ និងនិទ្ទេស E មាន​៣៧ ២៦៩នាក់។ នេះបើតាមរយៈទំព័រ​ហ្វេសប៊ុក​ផ្លូវការ​របស់ខ្លួន ក្រសួងអប់រំ យុវជន និងកីឡា។