ជាតិ
យុវសិស្ស ទក ភីរ៉ាវីន អរគុណឪពុកម្ដាយ គ្រូបង្រៀន និងរដ្ឋាភិបាល ដែលរួមចំណែកឱ្យបាននិទ្ទេស A
× ភ្នំពេញ៖ ទម្រាំបានលទ្ធផលនិទ្ទេស A លំដាប់ពិន្ទុ ១០០ មិនមែនជាសាមញ្ញសម្រាប់យុវជន ទក ភីរ៉ាវីននោះឡើយយ។ ក្នុងបទសម្ភាសជាមួយសារព័ត៌មាន Thmey Thmey 25 ភីរ៉ាវីន លើកឡើថា កត្តាគ្រឹះពីថ្នាក់ក្រោម និងការឧស្សាហ៍ព្យាយាមរៀនសូត្រ អើបអាចជួយឱ្យជាប់និទ្ទេសA។
បើតាមសិស្សនិទ្ទេសA មកពីខេត្តសៀមរាបរូបនេះ ជារឿយៗរូបគេ តែងអង្គុយធ្វើលំហាត់ និងទន្ទេញមេរៀនជាប្រចាំ។ ភីរ៉ាវីន ខិតខំយកចិត្តទុកដាក់លើការរៀនសូត្រណាស់ ដោយរូបគេ ប្រឹងប្រែងមើលមេរៀន រហូតដល់ម៉ោង១១យប់ និងក្រោកម៉ោង៥ភ្លឺ ដើម្បីទន្ទេញមេរៀនផងដែរ។
ជោគជ័យដែលទទួលបាននៅពេលនេះ មិនមែនកើតចេញពីយុវជន ទក ភីរ៉ាវីន តែម្នាក់ទេ។ ប៉ុន្តែវាបានកើតចេញពីការជួយជ្រោមជ្រែងពីអាណាព្យាបាល និងលោកគ្រូអ្នកគ្រូ។
យុវសិស្ស ទក ភីរ៉ាវីន បានអរគុណដល់ឪពុកម្ដាយដែលចិញ្ចឹមបីបាច់ ថែរក្សា និងផ្គត់ផ្គង់ជាប្រចាំ។ ជាពិសេសអរគុណដល់លោកគ្រូអ្នកគ្រូ ដែលបានបង្ហាត់បង្រៀន រួមទាំងរដ្ឋាភិបាលផងដែរ៕
© រក្សាសិទ្ធិដោយ thmeythmey.com