ថ្នាំក្លែងក្លាយទាំង៦មុននោះ មាន NUTRIENT CALCLUM Tablet, NUTRIENT CALCIUM Capsule, NUTRIENT ANTACID Tablets, SYMPTOMS, CONSTIPAION និងថ្នាំបន្តក់ភ្នែក EYE PLUS។ 

 

តាមការពិនិត្យរបស់ក្រុមមន្ត្រីជំនាញ រកឃើញថាប្រភេទថ្នាំ NUTRIENT CALCLUM Tablet មានផ្ទុកសារធាតុសកម្ម Diclofenac Sodium ហើយ NUTRIENT CALCIUM Capsule មានផ្ទុកសារធាតុ Betamethasone ដែលប៉ះពាល់ធ្ងន់ធ្ងរដល់សុខភាព និងឈានដល់បាត់បង់ជីវិត បើអ្នកប្រើប្រាស់រយៈពេលច្រើនខែ។ 

 

ជុំវិញករណីចុះបង្ក្រាបខាងលើ មន្ត្រីជំនាញបានបញ្ជូនជនសង្ស័យ ដែលជាអ្នកវេចខ្ចប់ និងលក់ថ្នាំក្លែងក្លាយ ទៅសាលាដំបូងកំពង់ចាម ដើម្បីបន្តនីតិវិធីច្បាប់។

 

«សូមសាធារណជនបញ្ឈប់ការទិញឱសថខាងលើ និងផលិតផលបំប៉នសុខភាព ឬអាហារបំប៉នសុខភាពគ្រប់ប្រភេទ តាមបណ្ដាញទំនាក់ទំនងសង្គម…ព្រោះឱសថ និងផលិតផលទាំងនេះ ពុំអាចធានាបាននូវគុណភាពនិងសុវត្ថិភាពឡើយ»។ ក្រសួងសុខាភិបាលអំពាវនាវបែបនេះ ហើយណែនាំឱ្យពលរដ្ឋរកទិញឱសថ និងផលិតផលបំប៉នសុខភាព ឬអាហារបំប៉នសុខភាពណា ដែលមានលេខទិដ្ឋាការ និងបញ្ជិកាពីក្រសួងសុខាភិបាលត្រឹមត្រូវ៕