លោក បានបន្ថែមថា សមាគមស្វាយចន្ទីកម្ពុជា កំពុងសហការជាមួយដៃគូ បង្កើតកន្លែងកសិឧស្សាហកម្មស្វាយចន្ទីមួយកន្លែង។ បច្ចុប្បន្ន ទីតាំង ក៏កំពុងកកើតឡើងដោយបានទាញវិនិយោគិនពីសិង្ហបុរី ដោយបោះទុកជំហានទីមួយ មានទឹកប្រាក់ប្រមាណ ១២លានដុល្លារ។ គម្រោងរោងចក្រកែច្នៃស្វាយចន្ទីពីសិង្ហបុរីនេះ គ្រោងផលិតស្វាយចន្ទីកែច្នៃ ៤០តោនក្នុងមួយថ្ងៃ នៅខេត្តកំពង់ធំ។

 

បើគិតរយៈពេល១០ខែ ឆ្នាំ២០២៣ កម្ពុជាបាននាំចេញគ្រាប់ស្វាយចន្ទីប្រមាណ៦១ម៉ឺនតោន ទៅកាន់ប្រទេសវៀតណាម។ ការនាំចេញនេះបានថយចុះប្រមាណ១៦ភាគរយ បើធៀបនឹងរយៈពេលដូចគ្នាក្នុងឆ្នាំ២០២២។

 

គ្រាប់ស្វាយចន្ទីអាចមានតម្លៃ ៧ ៥០០រៀល ក្នុងមួយគីឡូក្រាម។ បច្ចុប្បន្ន កម្ពុជាមានផ្ទៃដាំដុះស្វាយចន្ទីប្រមាណ៧០ម៉ឺនហិកតា ក្នុងនោះខេត្តកំពង់ធំ ជាខេត្តដែលមានផ្ទៃដីដាំដុះស្វាយចន្ទីច្រើនជាងគេ មានផ្ទៃដាំដុះស្វាយចន្ទីជាង ១១ម៉ឺនហិកតា៕