លោក Bryan៖ EU កំពុងជួយដល់ការដាំដុះស្វាយចន្ទីនៅកម្ពុជា ដើម្បីនាំចេញទៅទីផ្សារអឺរ៉ុប

ស្ទឹងត្រែង៖ លោក Bryan FORNAIRI ជាប្រធានផ្នែកកិច្ចសហប្រតិបត្តិការរបស់សហភាពអឺរ៉ុបប្រចាំកម្ពុជា។ ក្នុងដំណេីរទស្សនកិច្ចឈ្វេងយល់ពីខ្សែច្រវាក់តម្លៃគ្រាប់ស្វាយចន្ទីនៅខេត្តកំពង់ធំ ក្រចេះ និងខេត្តស្ទឹងត្រង់ លោក Bryan បានលេីកឡេីងថា៖ «ខ្ញុំគិតថាខ្សែច្រវាក់តម្លៃគ្រាប់ស្វាយចន្ទីមានសារៈសំខាន់ពីព្រោះជាប្រភពប្រាក់ចំណូលសម្រាប់ប្រជាកសិករ និងសហគ្រាសធន់តូច និងមធ្យមរបស់ប្រទេសកម្ពុជា។ វាជួយឱ្យស្រ្តី និងយុវជនមានការងារធ្វេីក្នុងរោងចក្រ ឬសហគ្រាសកែច្នៃស្វាយចន្ទី និងជួយកាត់បន្ថយការចំណាកស្រុក»។

សូមអញ្ជើញទស្សនាបទសម្ភាសរវាងអ្នកស្រី ញឹក ស្រីល័័ក្ខ អ្នកសារព័ត៌មាន Thmey Thmey 25 ជាមួយលោក Bryan FORNAIRI ជាប្រធានផ្នែកកិច្ចសហប្រតិបត្តិការរបស់សហភាពអឺរ៉ុបប្រចាំកម្ពុជា ដូចតទៅ៖

ក្នុងបទសម្ភាសជាមួយសារព័ត៌មាន Thmey Thmey 25 លោក Bryan បានឱ្យដឹងថា សហភាពអឺរ៉ុបកំពុងជួយដល់ការដាំដុះស្វាយចន្ទីនៅកម្ពុជា និងមានបំណងនាំចេញទៅទីផ្សារអឺរ៉ុបផងដែរ។ «សហភាពអឺរ៉ុប ជាទីផ្សារធំជាងគេនៅក្នុងពិភពលោក ដូច្នេះយេីងគិតថាសហភាពអឺរ៉ុបជាមួយអាឡឺម៉ង់ និងក្រុមអឺរ៉ុប បានគាំទ្រក្នុងការភ្ជាប់កម្ពុជាទៅកាន់ទីផ្សារសហភាពអឺរ៉ុប ដេីម្បីបង្កេីនការងារ និងកំណេីនសេដ្ឋកិច្ច»។ នេះជាការបញ្ជាក់បន្ថែមរបស់លោក Bryan FORNAIRI ជាប្រធានផ្នែកកិច្ចសហប្រតិបត្តិការរបស់សហភាពអឺរ៉ុបប្រចាំកម្ពុជា។

កម្ពុជា ជាប្រទេសមួយដែលមានសក្ដានុពលលេីដំណាំស្វាយចន្ទី។ សម្រាប់លោក Bryan ចន្ទីកម្ពុជា មានគុណភាពល្អ និងរសជាតិឆ្ងាញ់។

សូមបញ្ជាក់ថា ផ្ទៃដីដែលអាចដាំដុះស្វាយចន្ទីនៅកម្ពុជា មានជិត ៧០ម៉ឺនហិកតា និងបានផ្ដល់ផលចន្លោះពី១លានតោននៅក្នុង១ឆ្នាំ។ ក្នុងចំណោមទិន្នផលទាំងនេះ ត្រូវបាននាំចេញទៅវៀតណាមស្ទេីរតែ៩០ភាគរយ៕