គួរជម្រាបផងដែរថា ឆ្នាំ២០២៣នេះ ការរៀបចំព្រឹត្តិការណ៍នេះរៀងខុសពីឆ្នាំមុនៗបន្ដិច ដោយបូកបញ្ចូលជាមួយព្រឹត្តិការណ៍រាត្រីចងចាំ ជាពិសេសទស្សនីយភាពសិល្បៈជាច្រើន ដែលអនុញ្ញាតឱ្យសាធារណជនទស្សនាដោយសេរី។ ទស្សនីយភាពសិល្បៈទាំងនោះរួមមាន ល្ងាចថ្ងៃទី១៣ កម្មវិធីរាត្រីស្រមោលស សម្ដែងសិល្បៈ ដើម្បីរៃអង្គាសថវិកាជួយមន្ទីរពេទ្យគន្ធបុប្ផា នៅប្រាសាទបាភួន។ រីឯល្ងាចថ្ងៃទី១៤ ដល់១៦ មានការសម្ដែងសិល្បៈដូចជា ល្ខោនយីកេមហាជន សិល្បៈបុរាណពោលស្ត្រី នៅព្រះលានជល់ដំរី និងល្ខោនស្បែកធំ នៅត្បូង Pavis Angkor Wat ចាប់ពីម៉ោង៦ល្ងាចតទៅ៕